The news is by your side.

میت کے ساتھ مسکرانے والے خاندان کی تصویر وائرل

جب کسی کا پیارا دنیا سے رخصت ہوجائے تو اس کے خاندان والے شدت غم سے نڈھال ہوتے ہیں لیکن حیران کن طور پر ایک خاندان نے میت کے ساتھ ہنستی مسکراتی تصویر شیئر کردی۔

بھارتی میڈیا رپورٹس کے مطابق یہ تصویر ریاست کرناٹک کے ایک گاؤں سے سامنے آئی جس میں ایک خاندان نے اپنی رشتے دار 95 سالہ خاتون ‘ماری اما’ کی آخری رسومات پر باقاعدہ تصویر کھنچوائی۔

تصویر میں دیکھا جاسکتا ہے کہ میت تابوت میں ہے اور میت کے چاروں طرف ہر عمر کے 41 لوگ موجود ہیں جو مسکرا رہے ہیں جیسے یہ کوئی عام تصویر ہو۔

Gave a happy farewell': Kerala family reacts after all smiles photo from  funeral is viral | The News Minute

خاتون کے بیٹے کے مطابق لوگ اس تصویر کا مطلب نہیں سمجھ سکے یہ ان کے لیے ہے جو کسی کے مرنے کے بعد آنسو بہاتے ہیں ہمارا ماننا ہے کہ خوشی سے انہیں اگلے سفر کے لیے روانہ کیا جائے اسی لیے ہم نے ایسا کیا۔

انہوں نے مزید کہا کہ موت افسوسناک ہوتی ہے لیکن ہوسکتا ہے موت کے بعد والی زندگی زیادہ خوبصورت ہو۔

انہوں نے کہا کہ ‘میری والدہ نے زندگی کی 95 بہاریں دیکھیں اور وہ ان میں خوشی سے رہیں’۔

بھارتی میڈیا رپورٹس کے مطابق ماری اما کے 9 بچے ہیں جب کہ ان کے 19 نواسے نواسیاں اور پوتے پوتیاں ہیں۔

Comments

یہ بھی پڑھیں