The news is by your side.

Advertisement

کوٹ لکھپت جیل میں نواز شریف سے آج اہلِ خانہ ملاقات کر سکیں گے

لاہور: کوٹ لکھپت جیل میں قید گزارنے والے العزیزیہ اسٹیل ملز کیس میں سزا یافتہ نواز شریف سے آج اہلِ خانہ ملاقات کر سکیں گے۔

تفصیلات کے مطابق سابق وزیرِ اعظم نواز شریف سے کوٹ لکھپت جیل میں ملاقات کے لیے جمعرات کا دن مختص کیا گیا ہے، آج ان سے اہلِ خانہ ملاقات کر سکیں گے۔

نواز شریف کی اجازت کے بغیر کسی کو ملنے نہیں دیا جائے گا۔

سیکورٹی کے پیشِ نظرنواز شریف سے صرف اہلِ خانہ کی ملاقات کرائی جائے گی۔

ذرائع کا کہنا ہے کہ نواز شریف سے ملاقات کا وقت صبح 9 بجے سے دوپہر 2 بجے تک مقرر کیا گیا ہے، نواز شریف نے جیل انتظامیہ سے ملاقات کے لیے آنے والوں کی فہرست بھی مانگ لی ہے۔

نواز شریف نے درخواست کی ہے کہ اہلِ خانہ کے علاوہ ملاقات کے لیے آنے والوں کی پہلے فہرست دی جائے۔

جیل ذرائع کا کہنا ہے کہ ملاقات سے قبل نواز شریف کو آنے والوں کی فہرست فراہم کی جائے گی، نواز شریف جس سے ملاقات کا کہیں گے اسی کو ملوایا جائے گا۔


یہ بھی پڑھیں:  نوازشریف کو قیدی نمبر الاٹ، ملاقات کا دن مختص


جیل ذرائع کا یہ بھی کہنا ہے کہ نواز شریف کی اجازت کے بغیر کسی کو جیل میں داخلے کی اجازت نہیں ہوگی۔

یاد رہے کہ 24 دسمبر کو احتساب عدالت نے سابق وزیرِ اعظم میاں محمد نواز شریف کو العزیزیہ اسٹیل ملز کیس میں سات سال قید اور ڈھائی کروڑ ڈالر جرمانے کی سزا سنائی ہے۔

نواز شریف کو کوٹ لکھپت جیل میں قیدی نمبر بھی الاٹ کر دیا گیا ہے، نواز شریف کا قیدی نمبر 4470 ہے۔

Comments

comments

یہ بھی پڑھیں