گوجرانوالہ: بچوں کی پیدائش پر ان کے سر منڈوائے جاتے ہیں لیکن گوجرانولہ میں ایک خاندان نے بیٹے کی پیدائش پر سر منڈوالیا جس کی ویڈیو سوشل میڈیا پر وائرل ہورہی ہے۔
تفصیلات کے مطابق پنجاب کے ضلع گوجرانوالہ کے خاندان نے انوکھی منت مانی تھی کہ بیٹے کی پیدائش ہوگی تو سب سرمنڈوائیں گے اور جب بیٹے کی پیدائش ہوئی تو سب نے اپنے سر منڈوالیے۔
گوجرانوالہ کے رہائشی عثمان نے منت مانی تھی کہ بیٹے کی پیدائش ہوگی تو سر منڈوائیں گے اور دس ماہ قبل دو بیٹیوں کے بعد بیٹے کی پیدائش ہوئی تو عثمان اور ان کے بھائیوں سمیت گھر کے سب بچوں نے سر منڈوایا۔
دس ماہ سے خاندان کے سبھی افراد سر منڈوا رہے ہیں اور ان کا کہنا ہے کہ منت مانی ہے کہ بچوں کی سالگرہ تک سر پر بال نہیں آنے دیں گے۔
عثمان کے اہلخانہ نے ایک حجام مقرر کیا ہے جو ہر 15 دن میں آکر سب کو گنجا کردیتا ہے۔
عثمان کی فیملی کے افراد نے نعرہ بھی لگایا کہ ’نعرہ لگانا چاہتا ہوں، گنجوں کو پڑھانا چاہتا ہوں، گنجوں کو عزت دو۔‘
