The news is by your side.

Advertisement

کلڈن اور فل ہارمنی جو طرزِ تعمیر کا شاہکار ہیں!

یورپ میں‌ علم و فنون اور تفریحی سرگرمیوں کے مختلف مراکز میں سنیما اور موسیقی کے لیے مخصوص عمارتیں‌ بھی نہایت خوب صورت اور دیدنی ہیں۔

یورپ کے کنسرٹ ہالوں میں‌ شائقین صرف موسیقی ہی سے لطف اندوز نہیں ہوتے بلکہ یہ اپنے منفرد طرزِ تعمیر اور آرائش کی وجہ سے بھی مشہور ہیں۔

ہم یہاں‌ دو کنسرٹ ہالوں‌ کا ذکر کررہے ہیں جو طرزِ تعمیر میں منفرد اور شان دار ہیں۔

کلڈن پرفارمنگ آرٹ سینٹر
یہ ناروے کے مشرقی ساحل پر بنایا گیا ہے، جس کی ایک سو میٹر بلند اور پُرشکوہ عمارت ڈیڑھ لاکھ مربع میٹر سے زائد رقبے پر پھیلی ہوئی ہے۔ اسے 2012 میں تعمیر کیا گیا تھا۔ اس کنسرٹ ہال میں مشہور تھیٹریکل گروپ کے علاوہ مغربی کلاسیکی موسیقی کے ماہر بھی پرفارمنس دیتے ہیں اور ان کے مداحوں کی بڑی تعداد وہاں موجود ہوتی ہے۔

فل ہارمنی
مشہور آرکسٹرا کنڈکٹر پیریر بولیز نے ایک ماہرِ تعمیرات کے سامنے اپنے میوزک ہال کی تعمیر کا منصوبہ رکھا اور مشاورت کے بعد اس پر کام شروع کر دیا گیا۔ پیرس کے اس شان دار میوزک ہال کی تعمیر کے لیے تمام جدید وسائل اور مشینری استعمال کی گئی۔

2015 میں میوزک ہال کی تعمیر اور تزئین و آرائش مکمل ہوگئی اور یہاں فنِ موسیقی اور ثقافتی سرگرمیوں کا آغاز ہوا۔

اس میوزک ہال کا سامنے والا حصہ ایلومینیم سے تیار کیا گیا ہے۔ ماہرَ تعمیرات نے ہال کی چھت 37 فُٹ بلند رکھی ہے اور دل چسپ بات یہ ہے کہ اس چھت پر کھڑے ہو کر پیرس کا نظارہ کیا جاسکتا ہے۔

fb-share-icon0
Tweet 20

Comments

comments

یہ بھی پڑھیں