The news is by your side.

Advertisement

ونڈوز وال پیپر کی یہ مشہور تصویر کس نے کھینچی؟

یہ تصویر یقیناً آپ نے لاتعداد بار دیکھی ہوگی، آپ کی طرح دنیا بھر کے کروڑوں لوگوں نے اسے دیکھا اور سراہا ہے، لیکن کیا آپ جانتے ہیں کہ ونڈوز وال پیپر کی یہ مشہور ترین تصویر کس نے کھینچی؟

بہت کم لوگ جانتے ہیں کہ دنیا بھر کے کروڑوں کمپیوٹرز پر ونڈوز ایکس پی کے اس مشہور وال پیپر کی تصویر کس فوٹوگرافر نے کھینچی ہے۔

ونڈوز ایکس پی کے اس مشہور وال پیپر کا نام ’بِلس‘ رکھا گیا تھا، جس کی پرسکون اور دل موہ لینے والی تصویر 21 برس قبل کھینچی گئی تھی، یہ تصویر فطرت کی تصاویر لینے والے مشہور فوٹوگرافر چارلز اوریئر نے لی تھی جو آج بھی خوب سے خوب تر کی تلاش میں ہیں۔

1996 میں چارلس نے یہ مشہور تصویر کیلیفورنیا کی سونوما کاؤنٹی میں لی تھی، پہلے یہ تصویر ایک اشتہاری کمپنی کو بھیجی گئی تھی اور اس کے بعد اسے مائیکروسافٹ نے خرید لیا تھا، اور 2000 میں اس کے حقِ ملکیت لینے کے بعد اسے ونڈوز ایکس پی میں لگایا گیا تھا۔

76 سالہ چارلز کہتے ہیں میری تصویر کو تاریخ میں سب سے زیادہ دیکھی جانے والی تصاویر میں شامل کیا جا سکتا ہے، اس شہرت کے ہر لمحے نے خوب محظوظ کیا ہے۔ اب وہ ایک جانب تو اسمارٹ فون کے لیے تصاویر کھینچ رہے ہیں دوسری جانب جرمنی کی لفتھانسا ایئر لائن کے ساتھ ایک معاہدہ بھی کیا ہے۔

یہ تصویر ایک درمیانے درجے کے کیمرے سے کھینچی گئی تھی اور اب چارلس مزید خوب صورت تصاویر کو بطور وال پیپر بنانے کی جدوجہد کر رہے ہیں۔

Comments

یہ بھی پڑھیں