دوحہ: قطر میں جاری فیفا ورلڈ کپ 2022 میں میچ کے دوران دوربین میں شراب چھپا کر گراؤنڈ میں داخل ہونے کی کوشش کرنے والا شخص پکڑا گیا۔
مائیکرو بلاگنگ ویب سائٹ ٹوئٹر پر وائرل ایک ویڈیو میں دیکھا جا سکتا ہے کہ گراؤنڈ کے داخلی راستے پر سکیورٹی اہلکار میچ دیکھنے کے لیے آئے میکسیکن شہری سے تفتیش کر رہے ہیں۔
میکسیکن شہری کے ہاتھ میں دوربین تھی۔ اس نے سکیورٹی اہلکاروں کو بتایا کہ دوربین میں سینیٹائزر لے جا رہا ہوں۔
جب سکیورٹی اہلکاروں نے اسے کھول کر دیکھا تو اس میں سے شراب کی چھوٹی بوتل برآمد ہوئی۔
A Mexico fan tried to to sneak in alcohol in binoculars and still got caught 😂🤦♂️pic.twitter.com/2dpNqIqRf9
— Troll Football (@TrollFootball) November 24, 2022
یار دہے کہ قطر کی حکومت نے فیفا ورلڈ کپ کے لیے آئے ملکی و غیر ملکی شہریوں پر گراؤنڈ میں شراب یا دوسری نشہ آور چیزیں لانے پر پابندی عائد کر رکھی ہے۔
اب تک معلوم نہیں ہو سکا کہ انتظامیہ نے میکسیکن شہری کے خلاف کیا کارروائی کی۔