مشہور زمانہ فلم سیریز مِشن امپاسبل کی نئی فلم ’مشن امپاسیبل سیون کا ایکشن سے بھرپور ٹریلر دیکھنے کے بعد بھارتی شائقین نے الزام عائد کیا ہے کہ ایک سین فلم پٹھان سے لیا گیا ہے۔
غیرملکی میڈیا رپورٹ کے مطابق ایکشن اور تھرلر سے بھرپور فلم کا ٹریلر جاری ہونے کے بعد فلمی شائقین کی دلچسپی مزید بڑھ گئی ہے اور لوگ اسے بے حد پسند بھی کررہے ہیں۔
ہالی ووڈ کے سُپر اسٹار ٹام کُروز کی نئی مشہور زمانہ فلم سیریز مِشن امپاسیبل سیون میں شاہ رخ خان اور سلمان خان کی تقل کی گئی ہے، اس طرح کے الزامات بھارتی اداکاروں کے مداحوں نے اپنے کمنٹس میں لگائے۔
فلم کے ٹریلر میں کچھ انتہائی خطرناک اسٹنٹس کو شامل کیا گیا ہے تاہم ٹریلر میں فلم کے پلاٹ یا کہانی کے بارے میں کوئی اشارہ نہیں دیا گیا ہے البتہ ایجنٹ ایتھن کو اس بار ایک ایسے خطرناک ہتھیار کو تلاش کرنا ہے جو انسانیت کو تباہ و برباد کر سکتا ہے۔
مداحوں نے اس بات کا دعویٰ کیا ہے کہ مشن امپاسیبل سیون میں ٹام کروز کا ٹرین اسٹنٹ بھارتی فلم پٹھان سے کاپی کیا گیا ہے جو ان کے خیال میں شاہ رخ خان کی پٹھان کے ایک سین سے ملتا جلتا ہے۔
ایکشن اور تھرل سے بھرپور ٹریلر میں موت سے لڑنے والے دلچسپ انداز اور اداکار ٹام کروز کے خطرات سے لبریز مناظر نمایاں انداز میں دکھائے گئے ہیں۔
مداحوں کا کہنا ہے کہ ٹریلر میں دیکھا جاسکتا ہے کہ ایک ٹرین ٹوٹے ہوئے پل سے گرتی ہے، جس کی وجہ سے ہیرو کو ایک کھائی میں چھلانگ لگانی پڑ جاتی ہے جیسا کہ ہم نے فلم پٹھان میں بھی ایسا ہی سین دیکھا تھا۔
فلم کے فائنل شاٹ میں ٹام کروز کو اپنی زندگی بچانے کیلئے ایک آہنی پول سے لٹکا ہوا دیکھا جاسکتا ہے، فلم کا یہی منظر پٹھان کے اس منظر کی عکاسی کرتا ہے کہ جس میں سپر اسٹار شاہ رخ خان اور سلمان خان چلتی ٹرین میں روسی گارڈز سے لڑتے ہیں اور پھر اسی طرح کے انداز میں گرتی ہوئی ٹرین سے لٹک کر موت کے میں جانے سے بچ جاتے ہیں۔
شاہ رخ خان کے بہت سے مداحوں نے سوشل میڈیا پر دونوں مناظر کے ساتھ ساتھ موازنہ کے لیے مختلف زاویوں سے تصاویر شیئر کیں اور یہاں تک دعویٰ کیا کہ ٹام کروز کی فلم نے پٹھان کے سین کو کاپی کیا گیا ہے۔
