لاہور : خاتون اول بشریٰ بی بی کی قریبی دوست فرح خان نے اپنے اوپر لگائے گئے تمام الزامات کی تردید کردی ، مجھے اور میرے خاندان کو سنی سنائی باتوں پر بدنام نہ کریں۔
تفصیلات کے مطابق خاتون اول بشریٰ بی بی کی قریبی دوست فرح خان نے سماجی رابطے کی ویب سائٹ ٹوئٹر پر پیغام میں کہا ہے کہ میں اپنے اوپر لگائے گئے تمام الزامات کی تردید کرتی ہوں، سیاست سے کوئی تعلق نہیں ،نہ کبھی سرکاری کام میں مداخلت کی۔
فرح خان کا کہنا تھا کہ میرے کردار پر کیچڑ اچھالنے والوں کی اپنی بہن بیٹیاں بھی ہیں، میرے کاروبارکے بارے میں شوہر پہلے ہی وضاحت دے چکے، میرے ساتھ جن لوگوں کو منصوب کیا گیا وہ بھی الزامات کی تردید کر چکے۔
— iam Farah Khan (@farahkhan_92) April 7, 2022
خاتون اول کی قریبی دوست نے مزید کہا کہ میرےاہلخانہ ان الزامات کو سن کر صدمے کی کیفیت میں ہے، مجھے اور میرے خاندان کو سنی سنائی باتوں پر بدنام نہ کریں۔
