ممبئی: بالی وڈ اداکار اور فلمساز فرحان اختر نے انکشاف کیا ہے کہ شبانہ اعظمی سے شادی پر وہ اپنے والد جاوید اختر سے سخت ناراض تھے۔
پرائم ویڈیو پر ڈاکیومینٹری سیریز ’اینگری ینگ مین‘ ریلیز کردی گئی ہے جو 1970 کی دہائی کے ہندی سنیما کے مشہور اسکرین رائٹرز سلیم خان اور جاوید اختر کی فنی اور ذاتی زندگیوں پر مبنی ہے۔
View this post on Instagram
بھارتی میڈیا رپورٹ کے مطابق پرائم ویڈیو کی ڈاکیومینٹری ’اینگری ینگ مین‘ کی ایک قسط میں فرحان اختر نے اس بات کا انکشاف کیا کہ وہ اپنے والد کے دوسری شادی کرنے پر سخت ناراض تھے۔
فرحان اختر کا کہنا تھا جب والد نے شبانہ اعظمی سے شادی کی تو اس وقت میں اپنے والد سے بہت ناراض تھا کیوں کہ مجھے ایسا لگتا تھا کہ میرے والد نے ہمیں دھوکا دیا ہے۔
فرحان اختر نے کہا کہ والد کے ساتھ نارمل ہونے میں مجھے بہت وقت لگا اس دوران شبانہ اعظمی نے اہم کردار ادا کیا۔
دوسری جانب ڈاکیومینٹری کے آخری حصے میں نغمہ نگار جاوید اختر نے اپنی پہلی بیوی ہنی ایرانی کے بارے میں اپنی غلطیوں کا ذکر کیا اور کہا کہ ہنی واحد فرد ہیں جن کے بارے میں انہیں اپنی غلطی کا احساس ہے۔
انہوں کہا تھا کہ ہنی ایرانی سے شادی کی ناکامی میں تقریباً 60 سے 70 فیصد میری غلطی تھی، جتنی سمجھ بوجھ مجھے آج ہے، اگر اتنی اس وقت ہوتی تو معاملات کبھی اتنے خراب نہ ہوتے۔
خیال رہے کہ جاوید اختر اور ہنی ایرانی کی شادی 1980 میں ختم ہوئی، اس شادی کے بعد اُن کے ہاں زویا اختر اور فرحان اختر کی پیدائش ہوئی، پہلی شادی کے اختتام کے بعد جاوید اختر نے 1984 میں شبانہ عظمی سے دسری شادی کی۔