ہفتہ, جولائی 13, 2024
اشتہار

فرحان اختر نے شاہ رخ خان کے پرستاروں کو بڑی خوشخبری سنا دی

اشتہار

حیرت انگیز

ممبئی: بالی وڈ کے نامور اداکار و فلمساز فرحان اختر نے سُپر اسٹار شاہ رخ خان کے پرستاروں کو بڑی خوشخبری سنا دی۔

میڈیا رپورٹس کے مطابق فرحان اختر کی ڈان فرنچائز کی تیسری پیشکش میں شاہ رخ خان نے کام سے انکار کیا جس کے بعد اس میں رنویر سنگھ مرکزی کردار ادا کریں گے۔

سُپر اسٹار کی ڈان فرنچائز سے علیحدگی پر ان کے پرستار کافی مایوس ہیں جن کیلیے اب فرحان اختر نے خصوصی پیغام دیا ہے۔ اداکار و فلمساز کا کہنا ہے کہ سُپر اسٹار کے مداحوں کو پریشان ہونے کی ضروت نہیں۔

- Advertisement -

فرحان اختر نے عندیہ دیا کہ مستقبل میں ’کنگ خان‘ ان کے نئے پروجیکٹ میں ضرور نظر آئیں گے۔ انہوں نے کہا کہ ہم ایسا کچھ تلاش کریں گے کیونکہ ہم ایک دوسرے کے ساتھ کام کرنے کے خواہاں ہیں۔

ان کا کہنا تھا کہ یہ ضرور ہو کر رہے گا، 100 فیصد ہوگا۔

واضح رہے کہ فرحان اختر کی ڈان فرنچائز کی دو فلموں میں شاہ رخ خان مرکزی کردار رہے تھے اور توقع تھی کہ وہ تیسری مرتبہ بھی ڈان کے روپ میں نظر آئیں گے۔

سُپر اسٹار کے مداحوں کی امیدوں پر اُس وقت پانی پِھر گیا جب فرحان اختر نے تیسری پیشکش کیلیے رنویر سنگھ کے بطور ہیرو کا اعلان کیا۔ یاد رہے کہ رنویر سنگھ کے ساتھ کیارا اڈوانی ہیروئن کے روپ میں نظر آئیں گی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں