معروف گلوکار و اداکار فرحان سعید نے میمز اور سوشل میڈیا صارفین کو عامر لیاقت کے انتقال کا ذمہ دار ٹھہرا دیا۔
اے آر وائی ڈیجیٹل کے ڈرامہ سیریل ’میرے ہمسفر‘ میں حمزہ کا کردار نبھانے والے فرحان سعید نے اپنے ٹوئٹ میں لکھا کہ ’ہر وہ شخص جس نے دانیا شاہ کو عامر لیاقت کی موت کا ذمہ دار ٹھہرایا میں ان تمام لوگوں کو بتاتے ہوئے معذرت خواہ ہوں جنہوں نے عامر لیاقت کی تمام ویڈیوز شیئر کیں اور میمز بنائیں، وہ بھی اُن کی موت کے ذمہ دار ہیں‘۔
انہوں نے کہا کہ ’اب وقت آگیا ہے کہ ہم بحیثیتِ قوم کسی کے دُکھ پر خوشیاں منانا چھوڑ دیں‘۔
Everyone whose blaming this girl #dania for #amirliaquat death, I am sorry to tell all of those who shared , spread all his videos and memes are also part of bringing him down .
It’s about time we as a nation should stop taking joy out of someone’s misery, it says a lot about us!— Farhan Saeed (@farhan_saeed) June 9, 2022
واضح رہے کہ گزشتہ روز ایم این اے عامر لیاقت حسین کراچی میں انتقال کر گئے تھے۔
عامر لیاقت حسین کو تشویشناک حالت میں اسپتال منتقل کیا گیا تھا جہاں ڈاکٹرز نے معائنے کے بعد انتقال کی تصدیق کی جبکہ ان کے ڈرائیور جاوید نے پہلے ہی موت کی تصدیق کردی تھی۔
انہیں آج بعد نماز عصر کلفٹن عبداللہ شاہ غازی رحمتہ اللہ علیہ کے مزار کے احاطے میں سپرد خاک کیا جائے گا۔
