پاکستان شوبز انڈسٹری کی معروف جوڑی عروہ حسین اور فرحان سعید نے پہلی بار اپنی بیٹی جہاں آرا کا چہرہ دکھا دیا ہے۔
اداکارہ عروہ حسین اور فرحان سعید نے فوٹو اینڈ شیئرنگ ایپ انسٹاگرام پر مشترکہ فوٹو شوٹ کی تصاویر اور کچھ ویڈیوز شیئر کی ہیں جو کہ لندن میں ایوارڈز کی تقریب سے قبل کیا گیا۔
View this post on Instagram
اس فوٹو شوٹ میں اداکار جوڑے نے اپنی بیٹی جہاں آرا سعید کا چہرہ بھی دنیا کو دکھادیا ہے، ساتھ ہی کیپشن میں عروہ اور فرحان نے لکھا ’آج رات پھر سے ہم 3 ہیں‘۔
پوسٹ میں عروہ حسین کو نیلے پشواش میں جبکہ فرحان سعید سفید تھری پیس سوٹ میں ملبوس دیکھا گیا، اداکار و گلوکار ننھی جہاں آرا کو گود میں اٹھائے نظر آئے۔
View this post on Instagram
واضح رہے کہ عروہ اور فرحان ان دنوں لندن میں موجود ہیں جہاں انہوں نے حال ہی میں نجی انٹرٹینمنٹ چینل کی جانب سے منعقدہ شو میں شرکت کی۔
واضح رہے کہ عروہ اور فرحان کی شادی دسمبر 2016 میں ہوئی تھی، بعدازاں 2020 کے اختتام میں دونوں کے درمیان علیحدگی کی خبریں گردش کرنے لگی تھیں تاہم 2023 کی عیدالفطر پر جوڑے نے تمام تر افواہوں کو غلط ثابت کردیا تھا۔
یاد رہے کہ رواں سال 6 جنوری کو معروف اداکار و گلوکار فرحان سعید اور اداکارہ عروہ حسین کے ہاں شادی کے 7 سال بعد پہلے بچے کی پیدائش ہوئی تھی جس کا نام جوڑے نے ’جہاں آرا‘ رکھا تھا۔
