The news is by your side.

Advertisement

کسان نے دنیا کی سب سے بڑی اسٹرابیری کاشت کرکے ورلڈ ریکارڈ بنالیا

یروشلم : اسرائیلی کسان نے بڑے سائز کی اسٹرابیری کاشت کرکے دنیا کی توجہ حاصل کرلی۔

غیر ملکی خبر رساں ادارے کی رپورٹ کے مطابق مقبوضہ فلسطین پر قابض اسرائیل کے ایک شہری نے 10 اعشاریہ 19 اونس وزنی اسٹرابیری اگائی ہے، جو اپنی نوعیت کا انوکھا ورلڈ ریکارڈ ہے۔

اسرائیلی شہری ایریل چاہی کا خاندان کسان ہے اور ایریل قدیمہ زوران کے علاقے میں اپنے کھیتوں پر اسٹرابیری کی کاشت کرتے ہیں۔

اسرائیلی شہری نے 10 اونس سے زائد وزنی اسٹرابیری اُگا کر 8 اعشاریہ 82 اونس کی اسٹرابیری اُگانے کا سابقہ ریکارڈ توڑ دیا۔

رپورٹ کے مطابق دنیا کی سب سے بڑی اسٹرابیری الہا قسم کا پھل کہلاتی ہے، جسے سب سے پہلے اسرائیلی زرعی تحقیقی ادارے کے ایک محقق نے کاشت کیا تھا۔

ادارے کے محقق نیر دائی اب ایریل کی کاشت کردہ اسٹرابیری کا مشاہدہ کرنے والی ٹیم کا بھی حصّہ ہیں۔

خیال رہے کہ اسٹرابیری قدرت کا ایسا خوبصورت اور ذائقے دار تحفہ ہے جو محض 45 دنوں میں پھول سے پھل بن جاتی ہے اور صرف ٹھنڈے موسم میں اُگتی ہے۔

Comments

یہ بھی پڑھیں