The news is by your side.

Advertisement

اپوزیشن کا احتجاج، وزیر اعظم نے اہم فیصلہ کر لیا

اسلام آباد: وزیر اعظم عمران خان نے احتجاج کے لیے اپوزیشن کو کھلی چھوٹ دینے کا فیصلہ کر لیا ہے۔

تفصیلات کے مطابق وزیر اعظم پاکستان نے فیصلہ کیا ہے کہ اپوزیشن کو احتجاج کے لیے کھلی چھوٹ دی جائے گی، ان کا کہنا تھا کسی کو احتجاج کا شوق ہے تو اسے پورا کر لے۔

آج وزیر اعظم سے وزیر قانون فروغ نسیم اور معاون خصوصی شہزاد اکبر نے ملاقات کی، جس میں قانونی اور آئینی امور سمیت ملکی مسائل کے حل اور مستقبل کے لائحہ عمل پر گفتگو کی گئی۔ ملاقات میں کیسز کو جلد منطقی انجام تک پہنچانے کی حکمت عملی سے وزیر اعظم کو آگاہ کیا گیا۔

فروغ نسیم نے وزیر اعظم کو وزارت قانون کی کارکردگی سے متعلق بریفنگ دی، انھوں نے بتایا کہ وزارت کو ملنے والے 99.5 فی صد کیسز نمٹا دیے گئے ہیں، روزانہ کی بنیاد پر 100 سے زائد کیسز کو نمٹایا جا رہا ہے۔

وزیر اعظم عمران خان نے کہا کہ پی ڈی ایم کو الیکشن کمیشن کے سامنے احتجاج کی اجازت دی جائے، تاہم قانون کو ہاتھ میں لینے کی ہرگز اجازت نہیں دی جائے گی۔

وزیر اعظم نے وزیر داخلہ شیخ رشید کو بھی ہدایت کر دی کہ پی ڈی ایم کے احتجاج کے دوران کسی قسم کی رکاوٹ نہ ڈالی جائے۔

پی ڈی ایم کا الیکشن کمیشن کے سامنے احتجاج کا معاملہ، اہم اجلاس طلب

واضح رہے کہ پی ڈی ایم نے حکومت مخالف جلسوں اور ریلیوں کے علاوہ 19 جنوری کو الیکشن کمیشن کے سامنے دھرنے کا اعلان بھی کیا ہے۔ دوسری طرف الیکشن کمیشن نے پی ڈی ایم کے احتجاج سے متعلق لائحہ عمل تیار کرنے کے لیے اہم اجلاس طلب کر لیا ہے۔

Comments

یہ بھی پڑھیں