کراچی: ایم کیو ایم پاکستان کے رہنما فاروق ستار نے سابق ڈی جی پارکس لیاقت قائم خانی سے متعلق اہم انکشافات کر دیے.
تفصیلات کے مطابق سابق ڈی جی پارکس کا کیس دل چسپ رخ اختیار کر گیا،نیب کے بعد سیاست دانوں کی جانب سے بھی انکشافات کا سلسلہ شروع ہوگیا.
سابق میئرکراچی فاروق ستار نے کہا کہ جب میں 1997-98 میں وزیرتھا، تب لیاقت قائم خانی کے پاس ایڈیشنل ڈی جی پارکس کا عہدہ تھا.
انھوں نے کہا کہ مجھےان کی کرپشن کاعلم ہوا، تو میں نے او ایس ڈی بنا کر گھربھجوا دیا تھا، مصطفیٰ کمال میئربنے، تو انھوں نے اسے ڈی جی پارکس بنا دیا.
علم ہوگیا تھا کہ اسے کس مقصد کے لیے ڈی جی پارکس بنایا گیا ہے، کراچی:وسیم اخترنےبھی کرپٹ شخص کومشیر بنا لیا۔
خیال رہے کہ احتساب عدالت نے سابق ڈی جی پارکس لیاقت قائم خانی کا دو روزہ راہداری ریمانڈ دے دیا.
لیاقت قائم خانی کو آج راولپنڈی کی احتساب عدالت میں پیش کیا گیا تھا، موصولہ اطلاعات کے مطابق لیاقت قائم خانی کے اثاثوں کی مالیت کا تخمیہ دس ارب روپے تک پہنچ گیا.
