لاہور : تحریک انصاف کے رہنما فرخ حبیب نے ایف آئی اے میں طلبی کا نوٹس لاہور ہائی کورٹ میں چیلنج کردیا۔
تفصیلات کے مطابق پی ٹی آئی رہنما فرخ حبیب نے ایف آئی اے میں طلبی کے نوٹس کیخلاف لاہور ہائی کورٹ میں درخواست دائر کردی۔
درخواست میں ایف آئی اےسمیت دیگرکو فریق بنایا گیا اور مؤقف اختیار کیا گیا کہ ایف آئی اے نےفرخ حبیب کو 21 فروری کو طلب کررکھا ہے۔
ایف آئی اے نے اختیارات کےناجائزاستعمال سےمتعلق انکوائری شروع کی ہے، ایف آئی اےکی کارروائی بدنیتی پرمبنی ہے۔
درخواست میں استدعا کی گئی کہ عدالت ایف آئی اےطلبی کانوٹس معطل کرے۔
یاد رہے پاکستان تحریک انصاف (پی ٹی آئی) کے رہنما فرخ حبیب کو ایف آئی اے نے طلب کرتے ہوئے 21 فروری کو دفتر میں پیش ہونے کا حکم دیاتھا۔
ایف آئی حکام کا کہنا تھا کہ فرخ حبیب نے تنویر حسین کی ملی بھگت سے کرپشن کی ہے۔
ذرائع کے مطابق ایف آئی اے کی جانب سے فرخ حبیب کیخلاف اختیارات کا ناجائز استعمال، کرپشن کے حوالے سے انکوئری کی جارہی ہے۔
