سابق وزیر اور پی ٹی آئی فرخ حبیب نے کہا ہے کہ دنیا کو معلوم ہے امریکا کے ساتھ مل کر سازش کرکے حکومت تبدیل کی گئی۔
انہوں نے کہا کہ اب ان کے ہاتھ پاؤ پھول چکے ہیں اور ان کی کانپیں ٹانگ رہی ہیں، سائفر پر حکومت کیوں نہیں کہتی کہ کمیشن بنایا جائے۔
فرخ حبیب کا کہنا تھا کہ عمران خان عالمی سطح پر پاکستان کیلئے فخر کا باعث بنے ہیں، اس حکومت نے ہر جگہ تباہی مچادی ، نالائق اعظم کو بٹھادیا گیا۔
ہی ٹی آئی رہنما نے کہا کہ شہباز شریف نے اپنے کیسز بند کرائے، ملک میں حکومت نام کی کوئی چیز نہیں، ظلم و بربریت کی داستانیں رقم کی جارہی ہیں۔
فرخ حبیب نے مطالبہ کیا کہ 20حلقوں میں17جولائی کو فیکٹریوں میں چھٹی دیں تاکہ مزدور بھی اپنا ووٹ کاسٹ کرسکیں۔
ان کا کہنا تھا کہ پاکستان کے عوام اب ان کا مقابلہ کرے گی، یہ پاکستان کے حالات سری لنکا کی طرف لے کر جانا چاہتے ہیں۔
اگر عوام نے سوموٹو لے لیا تو رانا ثناءاللہ ان کے حواریوں کو چھپنے کی جگہ بھی نہیں ملے گی، پاکستان میں اس وقت عدم استحکام اور تباہی کی صورتحال ہے۔
فرخ حبیب نے کہا کہ عوام کا فیصلہ آجاتا ہے تو ان کے پاس کچھ نہیں رہے گا، ایلفی لگا کر جن لوگوں نے اتحادیوں کو جوڑا ان کا سب کو پتہ ہے۔
