لاہور : تحریک انصاف کے رہنما فرخ حبیب نے فواد چوہدری کو لے جانے والے قافلے کو روکنے کی کوشش کی تو پولیس اہلکاروں نے انھیں دھکے دے کر گاڑی کے آگے سے ہٹایا۔
تفصیلات کے مطابق اسلام آباد پولیس کی گاڑیوں کا قافلہ فواد چوہدری کو لاہور کی سڑکوں پرگھماتا رہا مگرعدالتی حکم کے باوجود پیش نہیں کیا گیا۔
تحریک انصاف کے رہنما فرخ حبیب اورکارکنان پولیس قافلے کے پیچھے چلتے رہے۔
پولیس کا قافلہ ٹول پلازہ پہنچا تو فرخ حبیب اسلام آباد موٹروے پر فواد چوہدری کو لے جانے والی گاڑی کے سامنے کھڑے ہوگئے۔
فواد چوہدری کو عدالتی احکامات کے مطابق ہائیکورٹ پیش نہ کرنے پر فرخ حبیب کی مزاحمت pic.twitter.com/5Cpk94Hzd7
— Abdul Qadir (@AbdulqadirARY) January 25, 2023
فرخ حبیب اور پی ٹی آئی کارکنان نے فواد چوہدری کو لے جانے والے قافلے کو روکنے کی کوشش کی ، پولیس اہلکاروں نے تحریک انصاف کے رہنما کو دھکے دیئے۔
اس موقع پرفرخ حبیب کا کہنا تھا کہ تم لوگ توہین عدالت کررہے ہو،آپ کو عدالت کاحکم ماننا پڑے گا، آپ لاہور ہائیکورٹ کے حکم پر فوادچوہدری کو پیش کریں۔
پولیس اہلکاروں نے فرخ حبیب کودھکے دے کر گاڑی کے آگے سے ہٹایا اور فوادچوہدری کو لے کر اسلام آباد کی جانب روانہ ہوگئے۔
