اسلام آباد: سابق وزیر مملکت فرخ حبیب کا کہنا ہے کہ امپورٹڈ حکومت آنے کے بعد برآمدات میں 10 فیصد اور ترسیلات زر میں 25 فیصد کمی آئی ہے۔
تفصیلات کے مطابق سابق وزیر مملکت فرخ حبیب نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ عمران خان کی حکومت میں برآمدات اور ترسیلات زر میں تیزی سے اضافہ ہورہا تھا۔
فرخ حبیب کا کہنا تھا کہ اپریل 2022 میں برآمدات 2.89 ارب ڈالر اور ترسیلات زر 3.1 ارب ڈالرز تھے۔
انہوں نے کہا کہ جیسے ہی امپورٹڈ حکومت آئی ہے ان کی نااہلی کے باعث مئی 2022 میں برآمدات 10 فیصد کم ہو کر 2.6 بلین ڈالر اور ترسیلات زر 25 فیصد کم ہو کر 2.33 بلین ڈالر ہوگئے۔
عمران خان کی حکومت میں برآمدات اور ترسیلات ذر میں تیزی سے اضافہ ہورہا تھا اپریل 2022 میں برآمدات 2.89ارب ڈالر تھی اور ترسیلات ذر 3.1 ارب ڈالرز تھی
جیسے ہی غلام #امپورٹڈ_حکومٹ_نامنظور آئی ہے نااہلی کے باعث مئی 2022 میں برآمدات 10% کم2.6B$ اور ترسیلات ذر 25%کم 2.33B$ ہوگئی ہے— Farrukh Habib (@FarrukhHabibISF) June 12, 2022
