پاکستان تحریک انصاف کے مرکزی رہنما فرخ حبیب نے کہا ہے کہ عمران خان نے ضمنی الیکشن میں 7 نشستیں جیت کر اپنی عوامی مقبولیت کا لوہا منوا لیا ہے۔
فرخ حبیب نے قومی اسمبلی کے حلقہ این اے 45 کے ضمنی الیکشن میں عمران خان کی تاریخی فتح پر سماجی رابطوں کی ویب سائٹ ٹوئٹر پر اظہار خیال کیا ہے۔
پی ٹی آئی رہنما نے اپنے ٹوئٹ میں کہا ہے کہ پی ڈی ایم کے چوروں کا اتحاد مصنوعی بیساکھیوں کے باوجود ناکام ہوگیا، عمران خان نے ضمنی الیکشن میں 7 نشستیں جیت کر اپنی عوامی مقبولیت کا لوہا منوا لیا ہے۔
فرخ حبیب نے مزید کہا کہ نئے انتخابات کا راستہ اب نہ روکا جائے اور ذاتی مفاد کے بجائے ملکی مفاد کا سوچا جائے۔
عمران خان نے ضمنی انتخابات میں قومی اسمبلی کی ملک بھر سے 7 نشستیں جیت کر اپنی عوامی مقبولیت کا لوہا منوا لیا ہے۔
13 جماعتوں PDM کے چوروں کا اتحاد مصنوعی بیساکھیوں کے باوجود ناکام ہوگیا ہے۔
ملک میں نئے انتخابات کا راستہ اب نہ روکا جائے اور ذاتی مفاد کی بجائے ملکی مفاد کو ترجیح دے— Farrukh Habib (@FarrukhHabibISF) October 31, 2022
واضح رہے کہ عمران خان نے گزشتہ روز قومی اسمبلی کے حلقہ این اے 45 کرم کے ضمنی انتخاب میں بھی میدان مار لیا۔
عمران خان نے پی ٹی ایم کے مشترکہ امیدوار جمیل خان کو شکست سے دوچار کیا، اس سے قبل 16 اکتوبر کے ضمنی الیکشن میں پی ٹی آئی چیئرمین قومی اسمبلی کے سات حلقوں میں سے 6 حلقے جیت گئے تھے۔
پی ٹی آئی چیئرمین نے قومی اسمبلی کے 6 حلقوں میں بیک وقت فتح حاصل کرکے نہ صرف 5 نشستوں پر فتح کا اپنا ریکارڈ بہتر کیا تھا بلکہ ایک ساتھ زیادہ سے زیادہ نشستوں پر کامیابی کا عالمی ریکارڈ بھی قائم کیا تھا۔