The news is by your side.

Advertisement

شہباز شریف کو نالائقی کا ایوارڈ ملنا چاہیے، فرخ حبیب

فیصل آباد : پی ٹی آئی رہنما فرخ حبیب نے کہا ہے کہ ن لیگ نے ملک کو تباہی کی طرف دھکیل دیا، شہباز شریف کو نالائقی کا ایوارڈ ملنا چاہیے۔

فیصل آباد کی ڈی ٹائپ کالونی میں نماز عید کی ادائیگی کے بعد میڈیا سے گفتگو کرتے ہوئے فرخ حبیب نے کہا کہ پاورلومزبند ہیں، لوگ فاقوں پر آچکے ہیں۔

ان کا کہنا تھا کہ فاشسٹ حکومت میڈیا کا گلا دبا رہی ہے، میڈیا کو حق بات نہیں کرنے دی جا رہی،16ارب کے ڈاکے مارنے والے ملک کو آگے نہیں لے جاسکتے۔

پی ٹی آئی رہنما نے کہا کہ ملکی صورتحال انتہائی خطرناک ہوچکی ہے لہٰذا فوری عام انتخابات کروائے جائیں، ہم صحافی برادری کے لئے بل لائے تھے اس پر ابھی تک کمیشن نہیں بن سکا۔

ایک سوال کے جواب میں انہوں نے کہا کہ راناثنااللہ کے منشیات کے کیس پر فیصلہ ہونا چاہیے، ضمنی الیکشن میں پی ٹی آئی کامیاب ہو گی۔

عوام اپنے ووٹوں سے لوٹوں کے خلاف فیصلہ کریں گے،13 سہیلیوں نے ملک تباہ کر دیا، لوڈشیڈنگ ان کی نالائقی کا واضح ثبوت ہے، بجلی کی 45فیصد قیمتیں بڑھانے کے باوجود دستیاب نہیں۔

ان کا مزید کہنا تھا کہ بلاول بھٹو کو گھومنے پھرنے سے فرصت نہیں وہ وزیر تفریح ہے، ملک کے لئے کچھ نہیں کرے گا، شہبازشریف روس سےسستا تیل خرید کرعوام کوریلیف دیں۔

Comments

یہ بھی پڑھیں