فیصل آباد : چوتھی شادی کرنے کیلئے بیوی اور بیٹی کو قتل کرنے والا ملزم گرفتار -
The news is by your side.

Advertisement

فیصل آباد : چوتھی شادی کرنے کیلئے بیوی اور بیٹی کو قتل کرنے والا ملزم گرفتار

فیصل آباد :  شوہر نے چوتھی شادی کیلئے تیسری بیوی اورسوتیلی بیٹی کو قتل کردیا، فیصل آباد پولیس نے ملزم کو گرفتار  کرکے سات سالہ بچی کی لاش برآمد کرلی۔

تفصیلات کے مطابق فیصل آباد کےعلاقہ بلو آنہ میں چوتھی شادی کیلئے تیسری بیوی اورسوتیلی بیٹی کا قاتل گھر کاسربراہ نکلا۔

فیصل آباد کے تھانہ چک جھمرہ کے علاقے بلو آنہ کے رہائشی زمیندار منظور نے پہلی دو بیویوں کو طلاق دینے کے بعد تیسری شادی کر لی تھی، کچھ عرصے بعد منظور نے تیسری بیوی اوراس کی سات سال کی بیٹی کو قتل کردیا۔

پولیس نے ملزم منظور کو شک کی بنا پرحراست میں لے لیا۔ دوران تفتیش ملزم نے قتل کا اعتراف کرتے ہوئے بچی کی لاش کی نشاندہی کی جس پر پولیس نے گھرمیں دبائی گئی سات سالہ بچی کی لاش برآمد کرلی، ملزم نے چوتھی شادی کے لئے بیوی کو قتل کرکےخودکشی کا ڈرامہ رچایا تھا ۔

Comments

comments

یہ بھی پڑھیں