لندن: قومی ٹیم کے فاسٹ بولر حسن علی 2023 سیزن میں انگلش کاؤنٹی سے کھیلیں گے۔
اے آر وائی نیوز کے مطابق وارکشائر کاؤنٹی کرکٹ کلب نے قومی فاسٹ بولر حسن علی کو سیزن 2023 کے لیے سائن کیا ہے جبکہ اسپنر ظفر گوہر نے گلوسٹرشائر سے 2024 سیزن کے اختتام تک معاہدہ کیا ہے۔
فاسٹ بولر ویٹالٹی بلاسٹ اور کاؤنٹی چیمپئن شپ میں وارکشائر سے ایکشن میں دکھائی دیں گے۔
Hassan Ali انگلش کاؤنٹی میں حسن علی نے دھوم مچادی (arynews.tv)
حسن علی نے کہا کہ وارکشائر کے ساتھ معاہدے پر بہت خوش ہوں اور کاؤنٹی کھیلنے کے لیے بہت بے تاب ہوں، ایجبسٹن ایک ایسا گراؤنڈ ہے جہاں کھیلنا ہمیشہ اچھا لگتا ہے۔
انہوں نے کہا کہ پرامید ہوں کہ اپنے تجربے سے ٹیم کو کامیابیاں دلاسکتا ہوں۔
واضح رہے کہ حسن علی وارکشائر کے سیزن 2023 کے لیے پہلے بین الاقوامی کھلاڑی ہیں جنہیں سائن کیا گیا ہے، اس سے قبل وہ لنکاشائر سے کھیل چکے ہیں۔
zafar gohar ظفر گوہر نے کاؤںٹی کرکٹ میں تباہی مچادی (arynews.tv)
اسپنر ظفر گوہر نے گزشتہ سال کاؤنٹی چیمئن شپ میں گلوسٹائر کی جانب سے شاندار بولنگ کرتے ہوئے نارتھمپٹن شائر کے خلاف میچ میں 10 وکٹیں حاصل کی تھیں۔
یاد رہے کہ اس سے قبل متعدد قومی ٹیم کے کھلاڑی کاؤنٹی کرکٹ کھیل چکے ہیں، گزشتہ سیزن میں فاسٹ بولر محمد عباس، ظفر گوہر شان مسعود، محمد رضوان، آل راؤنڈر شاداب خان، ٹیسٹ بیٹر اظہر علی نے بھی انگلش کاؤنٹی میں شاندار کارکردگی دکھائی تھی۔
