The news is by your side.

Advertisement

فاسٹ بولر حسن علی فٹ قرار ، کیا آج کا میچ کھیلیں گے؟

انگلینڈ کے خلاف فیصلہ کن ٹی ٹوئنٹی میچ سے قبل قومی ٹیم کو بڑی خوشخبری مل گئی ہے۔

تفصیلات کے مطابق قومی کرکٹ ٹیم کےمیڈیکل پینل نے فاسٹ بولرحسن علی کو فٹ قرار دے دیا ہے، ڈاکٹرز کی جانب سے گرین سنگل ملنے کے بعد حسن علی آج کے اہم ترین میچ میں فائنل الیون کا حصہ ہونگے۔

حسن علی نے انگلینڈ کے خلاف ٹی ٹوئنٹی سیریز کے آغاز سے قبل حسن علی بائیں ٹانگ میں کھچاؤ محسوس کیا تھا، جس پر پی سی بی کی میڈیکل ٹیم نے ممکنہ انجری کے بچاؤ کے لئے انہیں آرام کا مشورہ دیا تھا، جس کے باعث وہ انگلینڈ کے خلاف دو ٹی ٹوئنٹی میچز نہیں کھیل سکے تھے۔

یاد رہے کہ انگلینڈ کے خلاف دوسرے ایک روزہ میچ میں فاسٹ بولر حسن علی نے شاندار بولنگ کا مظاہرہ کرتے ہوئے پانچ کھلاڑیوں کو پویلین کی راہ دکھائی تھی۔

یہ بھی پڑھیں: ٹی ٹوئنٹی سیریز کی ٹرافی کون اٹھائےگا؟، فیصلہ آج ہوگا

دوسری جانب انگلینڈ کے خلاف فیصلہ کن معرکے میں قومی ٹیم کا کمبی نیش مضبوط بنانے کی غرض سے جارح مزاج بلے باز شرجیل خان کو ٹیم میں شامل کرنے کا فیصلہ کیا گیا ہے، شرجیل خان اعظم خان کی جگہ ٹیم میں شامل ہونگے اور محمد رضوان کے ساتھ اوپننگ کرینگے۔

واضح رہے کہ پاکستان انگلینڈ کے درمیان ٹی ٹوئنٹی سیریز کا فیصلہ کن معرکہ آج ہوگا،میچ رات ساڑھےدس بجےشروع ہوگا، تین میچوں کی سیریز 1.1 سے برابر ہے۔

Comments

یہ بھی پڑھیں