قومی ٹیم کے فاسٹ بولر نسیم شاہ کاؤنٹی چھوڑ کر اچانک وطن واپس پہنچ گئے۔
نوجوان فاسٹ بولر نسیم شاہ کاؤنٹی کرکٹ میں گلوسٹر شائر کی نمائندگی کررہے ہیں لیکن اب وہ اچانک ایمرجنسی میں وطن واپسی کے لیے روانہ ہوئے تھے اور اب اطلاعات ہیں کہ وہ ملک واپس آگئے ہیں۔
ذرائع کے مطابق نسیم شاہ کے والد شدید بیمار ہیں اور اسی لیے انہیں گلوسٹائر کی جانب سے گھر واپس جانے کی اجازت دے گئی ہے۔
گلوسٹر شائر انتظامیہ کا کہنا ہے کہ ہم چاہتے ہیں وہ اپنے والد کی تیمارداری کریں اور اہلخانہ کے ساتھ زیادہ سے زیادہ وقت گزار سکیں۔
Naseem Shah has returned to Pakistan due to a family emergency.
We hope to have Naseem back with the squad soon, but have allowed him to return home to spend as much time as he needs with his family.
We're thinking of you, @iNaseemShah 💛🖤
Read more ⤵
— Gloucestershire Cricket🏏 (@Gloscricket) June 6, 2022
واضح رہے کہ 2019 میں فاسٹ بولر کی والدہ انتقال کرگئی تھیں جب ان کے کیریئر کی شروعات ہی تھی اور وہ ٹیم کے ساتھ آسٹریلیا میں موجود تھے لیکن انہوں نے واپس نہ آنے کا فیصلہ کیا تھا۔
اسپنر شاداب خان سمیت متعدد کھلاڑیوں نے سماجی رابطوں کی ویب سائٹ پر نسیم شاہ کی والدہ کے انتقال پر گہرے دکھ و افسوس کا اظہار کرتے ہوئے ان سے تعزیت کی تھی۔
دیر سے تعلق رکھنے والے نسیم شاہ ممکنہ طور پر آسٹریلیا کے خلاف پہلے ٹیسٹ میچ سے اپنے انٹرنیشنل کیریئر کا ڈیبیو کرنا تھا۔