دبئی: 29 سالہ یوکرائنی خاتون متحدہ عرب امارات (یو اے ای) میں اسلام قبول کرنے کے چند گھنٹے بعد ہی روزے کی حالت میں انتقال کر گئیں۔
میڈیا رپورٹ کے مطابق دبئی میں یوکرائنی خاتون اسلام قبول کرنے کے چند گھنٹے بعد انتقال کر گئیں، خاتون کا تعلق مسیحی مذہب سے تھا جبکہ جس وقت اُن کا انتقال ہوا تو وہ روزے کی حالت میں تھیں۔
عرب میڈیا کے مطابق یوکرائنی خاتون نوکری کی تلاش میں دبئی آئیں تھی، ملازمت کی تلاش کے دوران انہوں نے دین اسلام کو سمجھا اور اسلام قبول کیا۔
عرب میڈیا کا بتانا ہے کہ دریا نامی خاتون کو دل کا دورہ پڑنے سے انتقال ہوا، ان کی نماز جنازہ میں ہزاروں افراد نے شرکت کی اور ان کی تدفین دبئی میں ہی کردی گئی۔
