چترال: فاٹا اور پاٹا کے خیبرپختونخواہ میں ضم ہونے کی خوشی میں چترال میں بھی ریلی نکالی گئی جس میں عوام، تاجروں اور مختلف سماجی شخصیات نے شرکت کی۔
تفصیلات کے مطابق فاٹا کے خیبرپختونخواہ میں ضم ہونے پر بالخصوص قبائلی اور بالعموم ملک بھر کے پاکستانی اپنی خوشی اور جذبات کا اظہار کررہے ہیں، اس ضمن میں دو روز قبل خیبرپختونخواہ کے دارالحکومت میں شاندار آتش بازی کا مظاہرہ کیا گیا تھا۔
چترال کے عوام بھی فاٹا اور پاٹا کی خیبر پحتون خواہ میں ضم ہونے پر خوش ہیں جس کا اظہار انہوں نے ریلی کی صورت میں کیا، چیو پل سے شروع ہونے والی ریلی بائی پاس روڈ پر احتتام پذیر ہوئی جس میں شرکا نے پاکستان کے حق میں نعرے لگائے۔
فیڈرل ایڈمنسٹریٹیو ٹرائیبل ایریا FATA اور PATA سے 40FCR اور کالے قانون سے نجات پانے پر ہر شخص نے کھل پر اپنی خوشی کا اظہار کیا، تاجر یونین اور عواج چترال نے اس ضمن میں شاندار ریلی کا انعقاد کیا، جس میں شرکا محتلف بینرز پکڑے تھے اور ان پر اس فیصلے کو خوش آمدید کے نعرے درج تھے۔
شرکا کا کہنا تھا کہ پاٹا اور فاٹا کے انضمام سے چترال کی ترقی راہ ہموار ہوگی، ریلی کی قیادت تاجر یونین کے صدر شبیر احمد نے کی جبکہ دکانداروں کے علاوہ سماجی کارکنوں نے بھی اس میں حصہ لیا۔ ریلی چیو پل سے شرو ع ہوئی جو کڑوپ رشت بازار سے ہوتے ہوئے عبد الولی خان بائی پاس روڈ پر احتتام پذیر ہوئی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
