The news is by your side.

موٹر سائیکلیں‌ چوری کرنے والے باپ بیٹے کو تاجروں‌ نے قابو کر لیا

راولپنڈی: موٹر سائیکلیں‌ چوری کرنے والے باپ بیٹے کو تاجروں‌ نے قابو کر لیا۔

تفصیلات کے مطابق جو کام راولپنڈی پولیس نہ کر سکی وہ تاجروں نے کر دکھایا، کالج روڈ سے مسلسل موٹر سائیکلیں چوری کرنے والے باپ بیٹے کو تاجروں نے پکڑ کر لیا۔

تاجروں نے موٹر سائیکل چوروں کو سی سی ٹی وی فوٹیج سے پہچانا، باپ بیٹا اب تک درجنوں موٹر سائیکل چوری کر چکے ہیں۔

چوروں نے اعتراف کیا کہ وہ موٹر سائیکلیں کھنہ کے علاقے میں راشد دکان دار کو فروخت کرتے ہیں، ویڈیو بیان دیتے ہوئے انھوں نے کہا کہ اس سے قبل بھی دونوں پر مقدمات درج ہو چکے ہیں۔

کالج روڈ کے تاجروں نے قانونی کارروائی کے لیے چوروں کو تھانہ سٹی پولیس کے حوالے کر دیا، پولیس نے موٹر سائیکل خریدنے والے دیگر سہولت کاروں کی گرفتاری کے لیے چھاپے شروع کر دیے ہیں۔

Comments

یہ بھی پڑھیں