The news is by your side.

Advertisement

ظلم ہوا ہے ہمارے ساتھ !! شائستہ لودھی کے والد کی باتیں

بیٹیاں اپنے باپ کے بہت قریب ہوتی ہیں اور اسی طرح والد بھی اپنی بیٹیوں پر جان نچھاور کرتے ہیں، باپ کا اپنی بیٹی کے ساتھ مشفقانہ رویہ اور محبت ایک ایسا بہترین تحفہ ہے جس سے بیٹی کی شخصیت میں نہ صرف خود اعتمادی پیدا ہوتی ہے بلکہ وہ مستقبل میں ایک کامیاب زندگی بھی بسر کرتی ہے۔

ویسے تو معاشرے میں اس رشتے کی اور بہت سی مثالیں موجود ہیں لیکن ان میں سے ایسی ہی دو کامیاب بیٹیاں اور مارننگ شوز کی میزبان شائستہ لودھی اور ندا یاسر ہیں جن کو باپ کی محبت اور شفقت نے دنیا میں کامیاب انسان بنانے مدد کی اور آج وہ معاشرے میں نمایاں مقام رکھتی ہیں۔

اسی حوالے سے اے آر وائی ڈیجیٹل کے پروگرام گڈ مارننگ پاکستان میں شائستہ لودھی کے والدعلی گوہر لودھی اور ندا یاسر کے والد ماضی کے معروف پروڈیوسر اور ڈرامہ رائٹر کاظم پاشا نے ناظرین سے اپنی بیٹیوں کے ساتھ گزارے ہوئے قیمتی اور یادگار لمحات کو شیئر کیا۔

شائستہ لودھی کے والد نے کہا کہ ہمارے ساتھ تو بہت ظلم ہوا ہے،  وہ اس طرح سے کہ میری بیٹی کے پاس مجھ سے ملنے کا ٹائم ہی نہیں ہوتا،  فون پر بات کرنے کیلئے بھی انتظار کرنا پڑتا ہے۔

انہوں نے کہا کہ یہ ظلم ہوا ہمارے ساتھ کہ میری بیٹی نے مجھے ٹرانسپلانٹ نہیں کرنے دیا اور کہا کہ آپ بغیر بالوں کے ہی اچھے لگتے ہیں۔ علی گوہر لودھی کاکہنا تھا کہ سگریٹ پینا بھی شائستہ نے ہی چھڑوائی تھی۔

ان دونوں شخصیات نے محبت بھرے انداز میں اپنی بیٹیوں اور ان کی مصروفیات کی پوری شکایت تو ضرور کی لیکن انہیں اپنی زندگی میں مزید کامیابیاں سمیٹنے کی دعائیں بھی دیں۔ باپ بیٹیوں کی اسی دلچسپ نوک جھوک پر مبنی یہ ویڈیو ضرور دیکھیں!!

Comments

یہ بھی پڑھیں