سلمان خان جن کی نئی فلم سکندر کے ٹیزر کا مداحوں کو بے صبری سے انتظار تھا، وہ فلم میں بھائی جان کے ایکشن دیکھ کر جھوم اٹھے ہیں۔
بالی ووڈ سپراسٹار سلمان خان نے ایک اداکار کے طور پر اپنے شاندار کیریئر میں تقریباً ہر اسٹائل میں فلمیں کی ہیں اور مداحوں کو محظوظ کیا ہے، دبنگ خان کے 40 سالہ کیریئر میں ان کا ایک سٹائل جس میں شائقین انھیں کافی پسند کرتے ہیں وہ ان کا ایکشن سے بھرپور اسٹائل ہے۔
ٹیزر دیکھ کر پرجوش ایک سوشل میڈیا صارف نے کمنٹ کرتے ہوئے کہا کہ "بالی ووڈ کا باپ آ رہا ہے ساتھ ہی آگ کی ایموجی بھی بنائی”۔
ایک شخص نے لکھا "دم ہے تو روک لو کیونکہ سکندر آچکا ہے رِپ باکس آفس”، ایک اور نیٹیزن نے دعویٰ کیا، "بالی ووڈ کا باپ”،ایک مداح نے بھائی جان کو کہا کہ "ہندوستانی سنیما کا سکند”۔
خیال رہے کہ فلم سکندرکے ساتھ سلمان خان دو برس بعد بڑی اسکرین پر واپسی کررہے ہیں، یہ فلم رواں سال عید پر ریلیز کی جائے گی، ٹیزر ایکشن سے بھر پور ہے جس نے مداحوں کو دیوانہ بنادیا ہے۔
فلم سکندر میں اداکار سلمان خان کے ساتھ ساؤتھ فلم انڈسٹری کی مشہور اداکارہ رشمیکا مندانا اداکاری کے جوہر دکھاتی نظر آئیں گی۔
