لاہور : مسلم لیگ ن کی رکن پنجاب اسمبلی نے سنگدل باپ کی جانب سے ساڑھے 3 لاکھ میں 13سالہ بیٹی فروخت کرنے کے معاملے پر توجہ دلاؤ نوٹس جمع کرادیا۔
تفصیلات کے مطابق لاہور میں سنگدل والد نے پیسوں کے لئے بیٹی فروخت کرنے کے معاملے پر مسلم لیگ ن کی رکن پنجاب اسمبلی سعدیہ تیمور نے توجہ دلاؤ نوٹس پنجاب اسمبلی میں جمع کرادیا۔
نوٹس کے متن میں کہا گیا ہے کہ ساڑھے 3 لاکھ میں 13سالہ بیٹی 60سال کی عمرکےشخص کوفروخت کردی گئی، والدہ کو اے ایس آئی مقدمہ درج کرنے کے لئے ناجائز مطالبہ کررہا ہے۔
متن میں سوال کیا گیا کیا پولیس نے اس افسوسناک واقعے کا مقدمہ درج کرلیا ہے ؟ کیا ملزمان کی گرفتاری عمل میں لائی گئی ہے؟ کیس کی اب تک کی تفتیش سےمتعلق ایوان کوتفصیل سے آگاہ کیا جائے۔
