بھارتی فلم انڈسٹری کی معروف اداکارہ فاطمہ ثناء شیخ نے ساؤتھ فلموں کیلیے کاسٹنگ کاؤچ سے متعلق اپنا تلخ تجربہ بیان کردیا۔
بھارتی میڈیا رپورٹس کے مطابق کاسٹنگ کاؤچ سے متعلق فاطمہ ثناء شیخ نے اپنے تجربے کے ساتھ انڈسٹری میں ایجنٹوں اور پروڈیوسرز کے غیر مناسب رویے پر کھل کر اظہار خیال کیا۔
ساؤتھ فلموں کے ایک ایجنٹ کی گفتگو بتاتے ہوئے اداکارہ کا کہنا تھا کہ ”ایجنٹ نے ان سے کہا کہ ’تم سب کچھ کروں گی، ٹھیک ہے؟“۔
اداکارہ کا کہنا تھا کہ ایجنٹ کی اس طرح کی بار بار کی گفتگو کے سبب میں تجسس کا شکار ہوگئی اور مجھے خوف محسوس ہونے لگا، جس پر میں نے جواب دیا کہ میں کردار کیلیے سخت محنت کروں گی، جو ضروری ہوا وہ کروں گی۔
اداکارہ نے مزید بتایا کہ میرے جواب کے باوجود وہ بار بار ایک ہی تقاضا کررہا تھا، آخر کار میں نے خاموشی اختیار کرلی کیونکہ میں دیکھنا چاہتی تھی کہ وہ کس حد تک نیچے گرسکتا ہے۔
یہ واقعہ حیدرآباد میں پیش آیا تھا، میں ساؤتھ انڈسٹری میں کام حاصل کرنے کیلیے کوشش کررہی تھی، ایجنٹ نے مجھ پر واضح کیا کہ ملاقات میں پروڈیوسر اس پر کھل کر بات کریں گے۔
اداکارہ نے اپنا تلخ تجربہ بیان کرتے ہوئے کہا کہ ایجنٹ نے مجھ پر واضح کیا کہ یہاں پر آپ کو لوگوں سے ملنا ہے، وہ سیدھی بات نہیں کریں گے بلکہ اپنا مطلب عجیب و غریب طریقوں سے بتائیں گے۔
رشمیکا مندانا کا بڑا اعتراف، مداح حیران رہ گئے
ساتھ ہی اداکارہ نے اعتراف کیا کہ فلم انڈسٹری میں ہر کوئی اس طرح کا رویہ نہیں رکھتا، بدقسمتی سے کچھ تلخ واقعات بھی پیش آجاتے ہیں، بعض فنکاروں نے جو کچھ برداشت کیا اُس کی کہانیاں سن کر خوف محسوس ہوتا ہے۔
