The news is by your side.

Advertisement

فواد عالم صحافی کے سوال پر غصے میں آگئے

کراچی: ٹیسٹ کرکٹر فواد عالم کراچی میں پریس کانفرنس کے دوران صحافی کے سوال پر غصے میں آگئے۔

اے آر وائی نیوز کی رپورٹ کے مطابق قائد اعظم ٹرافی میں سندھ کی نمائندگی کرنے والے ٹیسٹ کرکٹر فواد عالم کو صحافی کے سوال پر غصہ آگیا۔

صحافی نے فواد عالم سے سوال کیا کہ ’انٹرنیشنل کرکٹ سے دور رہنے کے بعد فواد عالم صرف ڈومیسٹک کرکٹ کا رہ گیا ہے؟ فواد عالم نے جواب دیتے ہوئے کہا کہ ’یہ کون کہہ رہا ہے، آپ کہہ رہے ہیں، اگر آپ کہہ رہے ہیں تو میں جواب دوں گا۔

واضح رہے کہ سندھ کی ٹیم نے فواد عالم کی ذمے دارانہ بیٹنگ کی بدولت سینٹرل پنجاب کے خلاف فائٹ بیک کرلیا ہے۔

نیشنل اسٹیڈیم کراچی میں کھیلے جارہے میچ کے دوسرے دن سندھ کے خلاف سینٹرل پنجاب 207 رنز بناکر آؤٹ ہوگئی، جواب میں سندھ نے 6 وکٹ پر 196 رنز بنالئے ہیں۔

فواد عالم 90 رنز کے ساتھ کریز پر موجود ہیں، ایک موقع پر سندھ کے ابتدائی 3 بیٹسمین صرف 48 کے اسکور پر پویلین لوٹ گئے تھے۔

یادر ہے کہ انگلینڈ کے خلاف ٹیسٹ سیریز میں فواد عالم کی 10 سال بعد ٹیم میں واپسی ہوئی تھی ، ٹیسٹ کرکٹر انگلش ٹیم کے خلاف پہلی اننگز میں صفر پر پویلین لوٹ گئے تھے جبکہ دوسری اننگز میں ناٹ آؤٹ رہے تھے۔

Comments

یہ بھی پڑھیں