اسلام آباد: وفاقی وزیر برائے سائنس اینڈ ٹیکنالوجی فواد چوہدری نے کہا ہے کہ وزرا اور باعزت لوگوں پر الزامات لگانے والا بلیک میلر گروہ جلد جیل کی سلاخوں کے پیچھے ہوگا۔
سماجی رابطے کی ویب سائٹ ٹویٹر پر فواد چوہدری کا کہنا تھاکہ چند نام نہاد صحافیوں دوسروں پر بے بنیاد الزامات عائد کر کے اپنے یوٹیوب چینل کو مشہور بنانے کی کوشش کررہے ہیں۔
اُن کا کہنا تھا کہ نام نہاد صحافیوں نے یہی طریقہ اختیار کیا ہوا ہے کیونکہ انہیں لگتا ہے کہ کوئی اُن کا کچھ نہیں بگاڑ سکتا، ایسے لوگوں کو اپنی عزت کی پرواہ تو نہیں اور نہ ہی وہ دوسرے کو کچھ سمجھتے ہیں۔
مزید پڑھیں: حکومت کا سائبر کرائم قانون میں ترمیم لانے کا فیصلہ، ڈرافٹ تیار
فواد چوہدری نے بتایا کہ فیڈرل انویسٹی گیشن ایجنسی (ایف آئی اے) کا سائبر کرائم ونگ فعال کردیا گیا ہے، جلد ہی ایک بڑا بلیک میلر گروپ جیل کی سلاخوں کے پیچھے ہوگا۔
ایف آئ اے cyber crime wing کو فعال کیا گیا ہے انشااللہ جلد ایک بڑا بلیک میلر گروپ جیل کی سلاخوں کے پیچھے ہو گا۔ ان کے پیچھے کون لوگ ہیں پہچانے جا چکے ہیں ، انتظار کیجئے مکمل کہانی سامنے آئے گی۔
— Ch Fawad Hussain (@fawadchaudhry) January 4, 2020
وفاقی وزیر کاکہنا تھا کہ ان عناصر کے پیچھے لوگ ہیں اُن کی بھی شناخت ہوچکی، بس انتظار کیجئے جلد مکمل کہانی سامنے آئے گی۔
