تازہ ترین

سعودی وزیر خارجہ کی قیادت میں اعلیٰ سطح کا وفد پاکستان پہنچ گیا

اسلام آباد: سعودی وزیر خارجہ شہزادہ فیصل بن فرحان...

حکومت کل سے پٹرول مزید کتنا مہنگا کرنے جارہی ہے؟ عوام کے لئے بڑی خبر

راولپنڈی : پیٹرول کی قیمت میں اضافے کا امکان...

نئے قرض کیلئے مذاکرات، آئی ایم ایف نے پاکستان کے لیے خطرے کی گھنٹی بجادی

واشنگٹن : آئی ایم ایف کی منیجنگ ڈائریکٹر کرسٹیلینا...

سعودی وزیر خارجہ کی سربراہی میں اعلیٰ سطح کا وفد آج پاکستان پہنچے گا

اسلام آباد : سعودی وزیرخارجہ شہزادہ فیصل بن فرحان...

جیل بھرو تحریک : فوادچوہدری سب سے پہلے گرفتاری دینے کو تیار

جہلم : پاکستان تحریک انصاف (پی ٹی آئی) کے رہنما فواد چوہدری نے کہا ہے کہ پرویز مشرف نے نواز شریف کو کان سے پکڑ کر نکال کر پاکستان پر احسان کیا تھا۔

یہ بات انہوں نے جہلم میں میڈیا سے گفتگو کرتے ہوئے کہی انہوں نے کہا کہ پرویز مشرف کی رگ رگ میں پاکستان تھا، ان کو پاکستانی ہونے پر فخر تھا میرا ان کے ساتھ ذاتی احترام کا تعلق تھا۔

ان کا کہنا تھا کہ عمران خان نے جیل بھرو تحریک کا آغاز کیا ہے، چیئرمین جب بھی کال دیں گے جہلم میں سب سے پہلی گرفتاری میں دوں گا۔

پی ٹی آئی رہنما نے کہا کہ ن لیگ کہتی تھی کہ مشرف نے آئین توڑا ،میں پوچھتا ہوں کیا آج ملک میں آئین کی عمل داری ہے؟ گزشتہ9 ماہ سے مسلسل آئین کے ساتھ کھلواڑ کیا جارہا ہے، مشرف نے صحیح پہچانا تھا کہ نوازشریف اور زرداری کے ہوتے آئین پر عمل نہیں ہوسکتا۔

انہوں نے کہا کہ پرویز مشرف نے بہت جلد پہچان لیا تھا کہ زرداری اور نواز ملکی سیاست کیلئے نحوست ہیں، انہوں نے کوشش کی عوام کی ان دونوں سے جان چھوٹ جائے، امریکا اور سعودی عرب نے نواز اور زرداری کو این آراو دلوایا۔

ان کا کہنا تھا کہ حکمران کس منہ سے کشمیریوں سے اظہار یکجہتی منارہے ہیں، جو پاکستان میں ہورہا ہے کیا کشمیرمیں اس سے زیادہ ہورہا ہے؟ کشمیر پر ہندوستان نے غاصبانہ قبضہ کیا ہوا ہے، اسی طرح پاکستان پر پی ڈی ایم نے قبضہ کیا ہوا ہے۔

فواد چوہدری نے کہا کہ پاکستان پر چوں چوں کا مربہ اکٹھا کرکے زبردستی کی سرکار مسلط کی گئی جیسے بھارت میں مودی کی زبردستی حکومت ہے اسی طرح پاکستان میں ان کی ہے، رانا ثناءاللہ اور بھارتی وزیرداخلہ میں کیا فرق ہے؟

Comments

- Advertisement -