اسلام آباد : وفاقی وزیر اطللاعات فوادچوہدری کا کہنا ہے کہ پاکستان کو افغانستان میں سپر پاورزکی کارروائیوں کے نتائج بھگتنا پڑے تاہم افغانستان میں امن کیلئے کے لئے کوشش کر رہے ہیں۔
تفصیلات کے مطابق پاک افغان یوتھ فورم کے زیر اہتمام تقریب کا انعقاد کیا گیا، وفاقی وزیر اطللاعات فواد چوہدری نے خطاب کرتے ہوئے کہا کہ پاک اورافغان نوجوانوں کوایک فورم پر لانا خوش آئندہے، پاکستانی قیادت افغانستان میں امن کے قیام کی خواہاں ہے۔
فواد چوہدری کا کہنا تھا کہ پاکستان خطے میں اقتصادی وتجارتی روابط کا فروغ چاہتا ہے اورافغانستان میں امن کیلئے مصالحانہ کردار ادا کرتا رہے گا، افغانستان میں امن چاہتے ہیں ، پاکستان کی پالیسی واضح ہے۔
وفاقی وزیر نے کہا کہ افغانستان میں کسی ایک گروپ کی حمایت یا اسے مضبوط نہیں کررہے، افغانستان کے تمام گروپس ملکر متفقہ حکومت تشکیل دے سکیں، اسوقت کوئی گروپ ایسا نہیں جو پورے افغانستان پر حکومت کر سکے۔
ان کا کہنا تھا کہ ایک گروپ کابل پر قبضہ ،دوسرا رکاوٹ ڈالتا ہے ایسے میں امن ممکن نہیں، افغانستان میں امن کیلئے کے لئے کوشش کر رہے ہیں، سپر پاورز اپنی کارروائی کر کے چلی جاتی ہیں ،نتائج ہمیں بھگتنا پڑتے ہیں ، پاکستان اور افغانستان نے سپر پاورزکی کارروائیوں کے نتائج بھگتے۔
فواد چوہدری نے مزید کہا کہ ازبکستان کیساتھ ریلوے ٹریک کے معاہدے پر بھی دستخط کئے ہیں ، افغانستان کے راستے وسطی ایشیائی ریاستوں تک تجارت کا فروغ چاہتے ہیں۔
وفاقی وزیر کا کہنا تھا کہ پاکستان کے صحافیوں کے کابل کے دورے کابھی انتظام کررہےہیں ، پاک افغان میڈیا انکلیوکیلئےپاک افغان یوتھ فورم کی کاوشیں قابل ستائش ہیں۔
