اسلام آباد: وفاقی وزیر سائنس اور ٹیکنالوجی فواد چوہدری کی رومانیا کے سفیر نکولائی گوئیا سے ملاقات ہوئی ہے۔
تفصیلات کے مطابق وزیر سائنس فواد چوہدری اور رومانیہ کے سفیر نے ملاقات کی، جس میں رومانیا کے سفیر نے پاکستان کے یونی ورسٹی سطح کے تعلیمی معیار کی تعریف کی۔
نکولائی گوئیا نے کہا کہ فواد چوہدری کی سائنس اور ٹیکنالوجی کے فروغ کے لیے کاوشیں قابل ستایش ہیں۔
رومانیا کے سفیر نے ملاقات میں وزیر اعظم عمران خان کی جانب سے پاکستان میں شروع کی گئی کفایت شعاری مہم کی بھی تعریف کی۔
یہ بھی پڑھیں: پاکستان: عید سمیت اسلامی مہینوں کا چاند دیکھنے کے لیے موبائل ایپ متعارف
دونوں رہنماؤں نے ملاقات میں سائنس اور ٹیکنالوجی کے شعبے میں ملکی سطح پر باہمی تعاون بڑھانے پر اتفاق کیا۔
خیال رہے کہ وفاقی وزیر برائے سائنس اینڈ ٹیکنالوجی فواد چوہدری نے ملک میں چاند دیکھنے والی ایپ متعارف کرائی، اس سے قبل انھوں نے قمری کلینڈر بھی متعارف کرایا تھا جو وزارتِ سائنس اور سپارکو کے ماہرین نے مل کر بنایا۔
قمری کلینڈر بنانے کے اعلان پر وفاقی وزیر کے مفتی منیب کے ساتھ نوک جھونک بھی ہوئی، مفتی منیب نے وفاقی وزیر پر برہمی کا اظہار کیا تھا۔
