18.3 C
Ashburn
ہفتہ, مئی 25, 2024
اشتہار

فواد چوہدری کی گرفتاری: بھائی کا ہر فورم پر معاملے کے خلاف آواز اٹھانے کا اعلان

اشتہار

حیرت انگیز

اسلام آباد : تحریک انصاف کے رہنما فواد چوہدری کے بھائی نے ہر فورم پر گرفتاری کے معاملے کے خلاف آواز اٹھانے کا اعلان کردیا۔

تفصیلات کے مطابق تحریک انصاف کے رہنما فواد چوہدری کی گرفتاری پر ان کے بھائی فیصل چوہدری نے اے آر وائین نیوز سے خصوصی گفتگو کرتے ہوئے کہا کہ ہمیں معلوم نہیں کہ فوادچوہدری کا کہاں رکھا گیا ہے، ایک پرچہ کیاگیاجوقانونی طورپرٹھیک نہیں ہے.

فیصل چوہدری کا کہنا تھا کہ یہ بہت پریشانی کاوقت ہے،ہم اس کاسامناکریں گے، کوئی نہ سمجھےاس طرح کی گرفتاری سےہم جھک جائیں گے، ہم عمران خان اورجمہوریت کےساتھ کھڑےرہیں گے۔

- Advertisement -

بیرسٹرفیصل چوہدری نے کہا کہ ہر فورم پر معاملے کے خلاف آواز اٹھائیں گے۔

یاد رہے آج صبح پی ٹی آئی رہنمافوادچوہدری کولاہورسےگرفتارکرلیا گیا تھا، فواد چوہدری پر مقدمہ سیکرٹری الیکشن کمیشن عمر حمید کی درخواست پر تھانہ کوہسار میں درج کیا گیا۔

اسلام آباد پولیس کے مطابق فواد چوہدری نے چیف الیکشن کمشنر اور ارکان کو ان کے فرائض سے روکنے کیلئے ڈرایا دھمکایا جبکہ  آئینی اداروں کیخلاف شرانگیزی پیداکرنے اور لوگوں کےجذبات مشتعل کرنےکی کوشش کی، مقدمے پر قانون کے مطابق کارروائی عمل میں لائی جارہی ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں