اسلام آباد : وفاقی وزیر اطلاعات فواد چوہدری نے سندھ حکومت سے مطالبہ کیا ہے کہ جن صنعتوں میں100فیصدویکسی نیشن ہوگئی ہے ،انھیں فوری طورپر کھولا جائے۔
تفصیلات کے مطابق وفاقی وزیر اطلاعات فواد چوہدری نے اپنے بیان میں کہا ہے کہ بھارت کوروناکی نئی لہرپھیلانےکاسبب بن گیاہے، بھارتی حکومت کورونا کے سدباب کےاقدامات نہ کرسکی، بھارتی حکومت کی غیر ذمے داری کے باعث دنیا کو ڈیلٹا ویرینٹ کا سامنا ہے۔
فواد چوہدری کا کہنا تھا کہ حکومت سندھ کو وفاقی حکومت کی پالیسی کے خلاف صنعت کو بند نہیں کرنا چاہیے، جن صنعتوں میں100فیصدویکسی نیشن ہوگئی ہے ،انھیں فوری طورپرکھولیں۔
وفاقی وزیر اطلاعات نے مزید کہا کہ کورونا سے متعلق این سی اوسی اوروفاقی حکومت کی پالیسی نظراندازنہیں کرسکتے، اگراتنےعقل مندہوتےتوکراچی کی یہ حالت نہ ہوتی۔
ان کا کہنا تھا کہ صوبائی حکومتیں انفرادی فیصلےنہیں کرسکتیں، این سی اوسی اوروفاقی حکومت کی پالیسی کےتحت ہی فیصلےکیےجائیں۔
گذشتہ روز سندھ میں لاک ڈاؤن کے حوالے سے وفاقی وزیراطلاعات فواد چوہدری نے بیان میں کہا تھا کہ مکمل لاک ڈاؤن سے متعلق وفاقی حکومت کی پالیسی واضح ہے، سپریم کورٹ قرار دےچکی صوبے اس پرانفرادی فیصلہ نہیں کر سکتے، مکمل لاک ڈاؤن کاکوئی آپشن کسی صوبےکودستیاب نہیں۔
ان کا کہنا تھا کہ سندھ نے ایس او پیز پر عمل کیا ہوتا توکراچی میں صورتحال سنگین نہ ہوتی، سندھ کووفاق کایہ پیغام واضح طورپردیاگیاہے، انفرادی طور پر فیصلے نہیں کیے جا سکتے، این سی اوسی گائیڈلائنزپرعمل ضروری ہے۔
