اسلام آباد : سابق پی ٹی آئی رہنما فواد چوہدری نے الیکشن سے قبل میثاق جمہوریت کا مشورہ دیتے ہوئے کہا چیئرمین پی ٹی آئی کی اسٹیبلشمنٹ اور نواز شریف سے تلخیاں کم کرنے کی ضرورت ہے۔
تفصیلات کے مطابق سابق پی ٹی آئی رہنما فواد چوہدری نے الیکشن کمیشن میں میڈیا سے گفتگو کرتے ہوئے کہا کہ اتنی تلخیوں میں ہم آگےکیسے بڑھیں گے، اس وقت صورتحال معمول کےمطابق نہیں۔
فواد چوہدری کا کہنا تھا کہ انتخابات سےاہم ملکی حالات معمول پرلاناہے ، نواز شریف اور چیئرمین پی ٹی آئی میں تلخیاں کم کرنےکی ضرورت ہے، تلخیاں کم نہ ہونے پر انتخابات کا ہونا ہی کیسے ممکن ہوگا اور الیکشن ہوبھی گئے تواس کے نتیجے مسئلہ کیسے حل کرپائیں گے۔
سابق رہنما نے کہا کہ پاکستان کے اندر جمہوریت اورانتخابات کاماحول ہی نہیں، فیصلہ کرنےکی ضرورت پاکستان کو کیسے نارمل کرنا ہے، الیکشن سے قبل میثاق جمہوریت کیا جائے۔
ان کا کہنا تھا کہ انتخابات کاکیا فائدہ ؟اس سے بہتر تو مجلس شوریٰ بنا لیں، شہبازشریف اورراجہ ریاض کی مرضی سے بنی حکومت انتخابات کرائے گی، اپاہج حالات میں انتخابات میں جانا یانہ جاناغیر متعلقہ ہے، اس لئے پہلے تلخیاں ختم کرنا ہوں گی۔