اسلام آباد : سابق وزیر فواد چوہدری نے ملک میں کورونا کیسز میں اضافے پر کہا ہے کہ ڈر ہے یہ نالائق ٹیم معاشی عذاب کے بعد کورونا کے عذاب میں نہ مبتلا کر دے۔
تفصیلات کے مطابق سابق وزیر فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ معاشی تباہی کےبعداب نئی مصیبت کوروناکی شکل میں اٹھ گئی ہے، کراچی اورحیدرآبادمیں کورونا کی شرح 10 فیصدسے بھی زیادہ ہوگئی ہے۔
فواد چوہدری کا کہنا تھا کہ اسلام آباد اور لاہور میں بھی کورونا پھر بڑھ رہا ہے، ڈر ہے یہ نالائق ٹیم معاشی عذاب کے بعد کورونا کے عذاب میں نہ مبتلا کر دے۔
ملک میں معاشی تباھی کے بعد اب نئ مصیبت کرونا کی شکل میں اٹھ گئ ہے، کراچی اور حیدر آباد میں کرونا کی شرح 10فیصد سے بھی زیادہ ہو گئ ہے اسلام آباد اور لاہور میں بھی کرونا پھر بڑہ رہا ہے ڈر ہے یہ نالائق ترین ٹیم ہمیں معاشی عذاب کے بعد کرونا کے عذاب میں نہ مبتلا کر دے #coronavirus
— Ch Fawad Hussain (@fawadchaudhry) June 21, 2022
خیال رہے ملک میں کورونا وائرس پھر سر اٹھانے لگا، قومی ادارہ صحت نے (این آئی ایچ) کی جانب سے بتایا گیا ہے کہ چوبیس گھنٹے کے دوران کورونا کا ایک مریض انتقال کرگیا۔
این آئی ایچ کا کہنا تھا کہ 24 گھنٹوں کےدوران9ہزار406ٹیسٹ کیےگئے، جس میں سے ایک سو تیرہ نئے کیس سامنے آئے۔
این آئی ایچ نے کہا کہ ملک میں اٹھاون مریضوں کی حالت تشویشناک ہے جبکہ ٹیسٹ مثبت آنے کی شرح ایک اعشاریہ دو صفر فیصد رہی۔
