اسلام آباد : تحریک انصاف کے رہنما فواد چوہدری کا کہنا ہے کہ پی ڈی ایم حکومت کو دوام دینے کیلئےمعاشی ایمرجنسی لگانےپربات ہو رہی ہے، اگر ایساہوا اس کےشدید سیکیورٹی اثرات مرتب ہوں گے۔
تفصیلات کے مطابق پی ٹی آئی رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ پاکستان میں پی ڈی ایم حکومت کو دوام دینے کیلئے معاشی ایمرجنسی لگانے کی گفتگو ہو رہی ہے، ایسا ہوا اس کے شدید سیکیورٹی اثرات مرتب ہوں گے۔
فوادچوہدری نے لکھا ‘ہماراایٹمی پروگرام دشمنوں کےپروپیگنڈے کا مرکزہوگا ،ہماری آزادی محض رسمی ہو گی۔
پاکستان میں PDM حکومت کو دوام دینے کیلئے معاشی ایمرجنسی لگانے کی گفتگو ہو رہی ہے،ایسا ہوا اس کے شدید سیکیورٹی اثرات مرتب ہوں گے ہماراایٹمی پروگرام دشمنوں کے پروپیگنڈے کا مرکز ہو گا اور ہماری آزادی محض رسمی ہو گی،
— Ch Fawad Hussain (@fawadchaudhry) February 11, 2023
پی ٹی آئی رہنما کا مزید کہنا تھا کہ ایسی احمقانہ پالیسیوں پر ضد کر کے ملک کی سالمیت کو داؤپر لگایا جارہا ہے، ملک میں انتخابات کراکرحکومت منتخب لوگوں کو ٹرانسفر کی جائے، ملک کے مستقبل سے کھیلنا بند ہونا چاہئے۔
ایسی احمقانہ پالیسیوں پر ضد کر کے ملک کی سالمیت کو داؤُپر لگایا جا رہا ہے ملک میں انتخابات کروا کے حکومت منتخب لوگوں کو ٹرانسفر کی جائے ملک کے مستقبل سے کھیلنا بند ہونا چاہئے
— Ch Fawad Hussain (@fawadchaudhry) February 11, 2023