اسلام آباد : تحریک انصاف کے رہنما فواد چوہدری کا کہنا ہے کہ الیکشن کمیشن شریف اور زرداری کے فرنٹ مین کے بجائے بہتر نام کا انتخاب کرے گا۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا ہے کہ الیکشن کمیشن 2 دن میں ان 4 ناموں میں سے کسی ایک کو وزیر اعلیٰ نامزد کرے گا، جوپارلیمانی کمیٹی کی طرف سے کمیشن کو بھیجےجائیں گے، کمیشن اپنی طرف سے نام نہیں دے سکتا۔
فوادچوہدری کا کہنا تھا کہ الیکشن کمیشن شریف،زرداری کے فرنٹ مین کےبجائے بہترنام کا انتخاب کرے گا۔
آرٹیکل 224-A کے مطابق الیکشن کمیشن دو دن کے اندر ان چار ناموں میں سے کسی ایک کو وزیر اعلیٰ نامزد کرے گا جو پارلیمانی کمیٹی کی طرف سے کمیشن کو بھیجے جائینگے کمیشن اپنی طرف سے نام نہیں دے سکتا امید ہے الیکشن کمیشن شریف اور زرداری کے فرنٹ مین کی بجائے بہتر نام کا انتخاب کرے گا، pic.twitter.com/zm0oboLFVH
— Ch Fawad Hussain (@fawadchaudhry) January 21, 2023
خیال رہے پنجاب کے نگراں وزیراعلیٰ کی تقرری کا معاملہ الیکشن کمیشن آف پاکستان پہنچ گیا ، مشاورت کے بعد الیکشن کمیشن نگراں وزیراعلیٰ کے نام کا اعلان کرے گا۔
اسپیکر پنجاب اسمبلی کی پارلیمانی کمیٹی کی رپورٹ الیکشن کمیشن کو موصول ہوگئی ہے ، پارلیمانی کمیٹی رپورٹ میں نگران وزیراعلیٰ کیلئے احمد نواز سکھیرا ،نوید اکرم چیمہ ،احد چیمہ اور محسن نقوی کے نام شامل ہیں۔