The news is by your side.

احتساب کاعمل کسی کی دھمکیوں سےرکنےوالانہیں ہے ، فواد چوہدری

اسلام آباد : وزیراطلاعات فواد چوہدری کا کہنا ہے کہ حمزہ شہبازپرمنی لانڈرنگ کےالزامات ہیں، اگر وہ حقیقی لیڈرہوتے تو آج گرفتاری دے دیتے، احتساب کاعمل کسی کی دھمکیوں سےرکنےوالانہیں ہے، وزیراعظم نےوعدہ کیاتھاملک کاپیسہ عوام کوواپس ملےگا۔

تفصیلات کے مطابق وزیراطلاعات فواد چوہدری نے میڈیا سے گفتگو میں کہا ملک میں پہلی باربڑے لوگوں پر ہاتھ ڈالا گیاہے، لاہورسےلاڑکانہ تک مافیاکی چیخیں سنائی دے رہی ہیں، وزیراعظم نےوعدہ کیاتھاملک کاپیسہ عوام کوواپس ملےگا۔

فوادچوہدری کا کہنا تھا حمزہ شہبازحقیقی لیڈرہوتےتوآج گرفتاری دےدیتے، عدلیہ کےاداروں پرحملہ کرنان لیگ کی روایت رہی ہے، نیب کی کارروائی قانونی تھی،نیب پرحملہ کیاگیا، حمزہ شہبازکی ذمہ داری تھی وہ نیب سےتعاون کرتے، انہوں نےنیب کےلوگوں کوتشددکانشانہ بنایا، ان کے لوگوں نے کارسرکار میں مداخلت کی۔

حمزہ شہبازحقیقی لیڈرہوتےتوآج گرفتاری دےدیتے

وزیراطلاعات نے کہا نیب خود سوچے گا انہوں نے کیا کارروائی کرنی ہے، شہباز شریف وفیملی کے85ارب سے زائدکے اثاثوں کا پتہ چلا، حمزہ شہباز کیخلاف منی لانڈرنگ کے ثبوت بھی ملے ہیں، منی لانڈرنگ کے پیسے سے شہبازشریف نے اثاثے خریدے، 85 ارب سے 100ارب تک منی لانڈرنگ سے بھجوایاگیا۔

ان کا کہنا تھا 2008 تک پاکستان کابیرونی قرضہ37ارب ڈالرتھا اور 2018 تک پاکستان کابیرونی قرضہ97ارب ڈالرتک جاپہنچا، معاشی مشکلات کےذمہ دارآصف زرداری نواز شریف ہیں، یہ لوگ بچوں کے ناموں پر اپنی پراپرٹی رکھتےہیں۔

شہبازشریف اوران کےبیٹوں نے 85 ارب روپے غیر قانونی طریقے سے باہر بھیجے

فوادچوہدری نے کہا نیب کی کارروائی کےجواب میں قانون کامذاق اڑایاگیا، احتساب کاعمل کسی کی دھمکیوں سےرکنے والا نہیں ہے۔

وزیراطلاعات کا کہنا تھا پاکستان،جمہوریت اورآئین کوکسی سےکوئی خطرہ نہیں ہے، خطرہ ہےتوصرف ان چوروں اورڈاکوؤں کوہے، ابوبچاؤموومنٹ جو چلا رہا ہے ان سےعوام پوچھیں، یہ ہیلی کاپٹرکےبغیرسفرنہیں کرتے، زندگی میں کبھی کمائی نہیں کی اتنےپیسےکہاں سےآئےہیں۔

معاشی مشکلات کےذمہ دارنوازشریف اورآصف زرداری ہیں

انھوں نے کہا ان سےیہ سب پوچھاجائےتوجمہوریت خطرےمیں آجاتی ہے، جمہوریت کوکوئی خطرہ نہیں ہے، چوروں کی نیندیں خراب ہوں گی، میں نے پہلے بھی کہا تھا اسپغول پی کرسویا کریں، پاکستان آگےبڑھےگااورترقی یافتہ ملک بنےگا۔

Comments

یہ بھی پڑھیں