اسلام آباد : وفاقی وزیر اطلاعات فواد چوہدری کا کہنا ہے کہ دنیا پاکستان کے نقطہ نظرکےقریب آرہی ہے، ہمارا مقصد افغانستان میں استحکام یقینی بنانا ہے۔
تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا وزیر اعظم نے کل آئی ایس آئی ہیڈکوارٹرز کا دورہ کیا، جہاں آرمی چیف ،ڈی جی آئی ایس آئی اور ان کی ٹیم نے وزیر اعظم کو افغانستان کی بدلتی صورتحال پرتفصیلی بریفنگ دی۔
کل وزیر اعظم نے آئ ایس آئ ہیڈکواٹرز کا دورہ کیا آرمی چیف ،ڈی جی آئ ایس آئ اور ان کی ٹیم نے وزیر اعظم کو افغانستان کی بدلتی صورتحال پرتفصیلی بریفنگ دی ہمارا مقصد افغانستان میں استحکام یقینی بنانا ہے اور اس کیلئے پاکستان نے بہت کام کیا ہے،آج دنیا پاکستان کے نقطہ نظر کے قریب آرہی ہے
— Ch Fawad Hussain (@fawadchaudhry) January 13, 2022
وفاقی وزیراطلاعات کا کہنا تھا کہ ہمارا مقصد افغانستان میں استحکام یقینی بنانا ہے ، اس کیلئے پاکستان نےبہت کام کیا، آج دنیا پاکستان کے نقطہ نظر کے قریب آرہی ہے۔
یاد رہے گذشتہ روز وزیر اعظم عمران خان نے اہم وفاقی وزراء کے ہمراہ آئی ایس آئی ہیڈکوارٹرز کا دورہ کیا تھا، جہاں ڈی جی آئی ایس آئی لیفٹیننٹ جنرل ندیم احمد انجم نے شرکا کا استقبال کیا۔
وزیراعظم نےقومی سلامتی، استحکام اور خوشحالی کیلئے آئی ایس آئی کی کوششوں کو سراہتے ہوئے قومی مفادات کے تحفظ کیلئے پیشہ ورانہ تیاریوں پر اطمینان کا اظہار کیا تھا۔
