The news is by your side.

شریف فیملی نے سڑکوں کو کاروبار بنایا: فواد چوہدری

اسلام آباد: وفاقی وزیر اطلاعات فواد چوہدری کا کہنا ہے کہ شریف فیملی نے سڑکوں کو کاروبار بنایا، 65 سال میں ملک کا قرضہ 6 ٹریلین تھا، نواز شریف اور زرداری فیملی نے قرض کو 27 ٹریلین تک پہنچا دیا۔

تفصیلات کے مطابق وفاقی وزیر اطلاعات فواد چوہدری نے پریس کانفرنس کرتے ہوئے کہا کہ 65 سال میں ملک کا قرضہ 6 ٹریلین تھا، نواز شریف اور زرداری فیملی نے قرض کو 27 ٹریلین تک پہنچا دیا، اب بھی ایک پہاڑ موجود ہے جو قرض کی صورت واپس کرنا ہے۔

فواد چوہدری کا کہنا تھا کہ شریف اور زرداری فیملی نے پیسہ پاکستان سے لیا اور باہر بھیجا، شہباز شریف کیس میں 25 بلین روپے ان کے اکاؤنٹس میں آئے، یہ وہ پیسہ ہے جس کا پتہ چلا ہے، اربوں روپے کا تو پتہ ہی نہیں ہے۔

انہوں نے کہا کہ قرض واپس کرنے کے لیے قرض لیتے ہیں، قرض لینے سے اشیا کی قیمتیں اوپر جاتی ہیں۔

فواد چوہدری کا کہنا تھا کہ موٹر وے کے لیے معاہدہ ہوا اور اس وقت رقم ایون فیلڈ کے لیے باہر گئی، این ایچ اے جو کام 100 روپے میں کر رہا ہے مسلم لیگ ن نے وہ کام 300 میں کروایا۔

انہوں نے کہا کہ شریف فیملی نے سڑکوں کو کاروبار بنایا، وزیر اعظم اور کابینہ کے اراکین کرپشن میں پڑ جائیں تو قومیں تباہ ہو جاتی ہیں۔

Comments

یہ بھی پڑھیں