اسلام آباد : وزیر سائنس اینڈ ٹیکالوجی نے بھارت پر تنقید کرتے ہوئے کہا کہ بھارتی حکومت کی پنجاب کے خلاف پالیسیاں شرمناک اور بے رحم ہیں۔
ان خیالات کا اظہار رہنما پاکستان تحریک انصاف و وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر بھارتی کسانوں کے کئی روز سے مودی سرکار کے خلاف جاری احتجاج سے متعلق ٹوئٹ میں کیا۔
انہوں نے کہا کہ بھارت میں کسانوں کے احتجاج کو 12 روز ہوگئے لیکن دہلی اپنے کسانوں کو سننے کےلیے تیار نہیں۔
فواد چوہدری نے اپنے ٹؤئٹ میں کہا کہ لگتا ہے ہندوتوا نظریے پر گامزن بھارتیہ جنتا پارٹی کی حکومت کو کسانوں کی فکر نہیں، اسی لیے بھارتی حکومت کی پنجاب کے خلاف پالیسیاں شرمناک اور بے رحم ہیں۔
12th day of protests and Delhi is not even listening,seems Gujrati Hinduvata inspired BJP Government has no care for Punjabi farmers, shameful anti Punjab policies of Indian Govt are heartless, my heart goes for my punjabi farmer brothers on the other side of border.. https://t.co/SiDV0nVlro
— Ch Fawad Hussain (@fawadchaudhry) December 7, 2020
وفاقی وزیر سائنس اینڈ ٹیکنالوجی نے بھارتی کسانوں سے ہمدردی کا اظہار کرتے ہوئے کہا کہ میرا دل سرحد کے دوسری طرح پنجابی کسان بھائیوں کے ساتھ ہے۔
ان کا کہنا تھا کہ ناانصافی کہیں بھی ہو سب کیلئے خطرہ بن جاتی ہے، اسی لیے ہمیں بھارتی پنجاب کے کسانوں کے ساتھ ہونے والی ناانصافی پر آواز بلند کرنی چاہیے، کیونکہ مودی کی پالیسیاں پورے خطے کےلیے خطرہ ہیں۔
Injustice anywhere is a threat to justice everywhere. We must speak up against injustice done to Punjabi farmers Modi policies are a threat to whole region. #FarmersProtest https://t.co/eemAteJMuv
— Ch Fawad Hussain (@fawadchaudhry) December 7, 2020
خیال رہے کہ بھارت کے متنازعہ نئے زرعی قوانین کے خلاف کسانوں کا احتجاج دارالحکومت نئی دہلی میں مسلسل جاری ہے۔
کسانوں نے نئی دہلی کی سرحدوں کا تقریباً محاصرہ کر رکھا ہے، حکومت اور کسانوں کے درمیان بات چیت کے کئی دور ہو چکے ہیں لیکن تعطل برقرار ہے۔
