اسلام آباد : تحریک انصاف کے رہنما فواد چوہدری کا کہنا ہے کہ سائفر پر صدر کے بیان کو ن لیگ ترجمان صحافیوں نے کس طرح پیش کیا۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر صدرعارف علوی کے انٹرویو پر ردعمل دیتے ہوئے کہا سائفر پر صدر نے کیا کہا اور ن لیگ ترجمان صحافیوں نے کس طرح ان کے بیان کو پیش کیا، اندازہ لگا لیں کہ یہ کیسے لوگ ہیں کہ سفیدجھوٹ بولنے میں بھی ان کو کوئی مسئلہ درپیش نہیں، سیدھی بات ہے اگرعمران خان حکومت سازش سےنہیں ہٹائی گئی تو تحقیقات سےفرار کیوں؟
سائفر پر صدر نے کیا کہا اور نون لیگ کے ترجمان صحافیوں نے کس طرح صدر کے بیان کو پیش کیا اس سے اندازہ لگا لیں کہ یہ کیسے لوگ ہیں کہ سفید جھوٹ بولنے میں بھی ان لوگوں کو کوئ مسئلہ درپیش نہیں ، سیدھی بات ہے اگر عمران خان حکومت سازش سے نہیں ہٹائ گئ تو تحقیقات سے فرار کیوں؟ https://t.co/WWFrdkiQNS
— Ch Fawad Hussain (@fawadchaudhry) October 11, 2022
یاد رہے گذشتہ روز صدر مملکت ڈاکٹرعارف الرحمان علوی نے ایک انٹرویو میں کہا تھا کہ سائفر سےمتعلق خط چیف جسٹس کوبھیجا، میں قائل ہوں اس پر تحقیقات ہونی چاہئیں۔
عارف علوی کا کہنا تھا کہ یقین سے نہیں کہہ سکتا کہ سازش ہوئی، مگر میرے شبہات ہیں، ایسے معاملات میں ثبوت نہیں ملتے، سائفرمیں زبان کا استعمال بہتر ہونا چاہیے تھا۔
