لاہور : تحریک انصاف کے رہنما فواد چوہدری نے بلاول بھٹو کا دورہ بھارت کشمیریوں کی جدوجہد کی پیٹھ میں خنجر گھونپنے کے مترادف قرار دے دیا۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا ہے کہ بلاول بھٹو کا دورہ بھارت کشمیریوں کی جدوجہد کی پیٹھ میں خنجر گھونپنے کےمترادف ہے، کشمیر کے معاملے کو دفن کرکے بھارت سے تعلقات بنانا اس ایجنڈے کا حصہ ہے، جس کے تحت حکومت کومسلط کیا گیا۔
فواد چوہدری کا کہنا تھا کہ بھارت سمیت دیگرممالک سےتعلقات کےحامی ہیں لیکن کسی طورذیلی ملک نہیں بن سکتے، تعلقات برابری کی سطح پراوربنیادی معاملات پر تصفیہ کیلئے ہونے چاہئیں۔
انھوں نے مزید کہا کہ پاکستان قریبی دوست ممالک کیلئے اہمیت کھو رہا ہے اوریہ بات انتہائی تشویشناک ہے۔
بلاول بھٹو کا ہندوستان کا دورہ کشمیریوں کی جدوجہد کی پیٹھ میں خنجر گھونپنے کے مترادف ہے ،کشمیر کے معاملے کو دفن کر کے ہندوستان سے تعلقات بنانا اس انٹرنیشنل ایجنڈے کا حصہ ہےجس کے تحت اس حکومت کو پاکستان پر مسلط کیا گیا، بھارت سمیت دیگر ممالک سے تعلقات کے حامی ہیں لیکن کسی طور بھی…
— Ch Fawad Hussain (@fawadchaudhry) April 21, 2023
خیال رہے وزیر خارجہ بلاول بھٹو ایس سی او اجلاس میں شرکت کے لئے آئندہ ماہ بھارت جائیں گے، ایس سی او اجلاس آئندہ ماہ بھارتی شہر گوا میں منعقد ہوگا، بھارتی وزیر خارجہ ایس سی او سمٹ کیلئے تمام ممبر ممالک کو دعوت دی تھی۔
