لاہور :تحریک انصاف کے رہنما فواد چوہدری نے حکومت پر کڑی تنقید کرتے ہوئے کہا کہ یہ حکومت پاکستان پر اللہ کاعذاب بن کرنازل ہوئی ہے، استغفارکی تسبیح پڑھیں۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ پیٹرولیم مصنوعات کی قیمتوں میں اضافے پر ردعمل دیتے ہوئے کہا کہ ڈیزل کی قیمت میں 13 روپے اضافہ اور پٹرول کی قیمت میں 5 روپے اضافہ،یہ حکومت پاکستان پراللہ کاعذاب بن کرنازل ہوئی ہے،استغفارکی تسبیح پڑھیں اورجدوجہد میں شامل ہوں۔
ڈیزل کی قیمت میں تیرہ روپے اضافہ اور پٹرول کی قیمت میں پانچ روپے اضافہ۔۔۔ یہ حکومت پاکستان پر اللہ کا عذاب بن کر نازل ہوئ ہے، استغفار کی تسبیح پڑھیں اور جدوجہد میں شامل ہوں
— Ch Fawad Hussain (@fawadchaudhry) March 15, 2023
یاد رہے گذشتہ روز حکومت نے رات کے اندھیرے میں خاموشی سے پیٹرولیم مصنوعات قیمتوں میں اضافہ کردیا تھا۔
نوٹیفیکیشن کے مطابق پٹرول کی قیمت پانچ روپے بڑھا دی گئی تھی ، جس کے بعد نئی قیمت دوسو باہتر روپے لٹر ہوگئی۔
ڈیزل کی قیمت میں تیرہ روپے اضافہ کیا گیا، جس سے ڈیزل دوسو ترانوے روپے لٹر ہوگئی جبکہ مٹی تیل بھی دو روپےچھپن پیسے مہنگا کرکےایک سونوے روپے انیتس پیسے فی لیٹر کردیا گیا۔
